+7 (701) 759 90 19
USD 420.79 EUR 511.98
RUB 5.67 CNY 64.46
Jańalyqtar

Kóbeıtuzǵa kólikpen kirip ketken júrgizýshige aıyppul salyndy

2020 jylǵy 21 shilde 20:01
Bólisińiz:
Kóbeıtuzǵa kólikpen kirip ketken júrgizýshige aıyppul salyndy

AQMOLA OBLYSY. QazAqparat – Qyzǵylt tústi Kóbeıtuz kóline kóligimen kirip ketken azamattyń fotosýreti áleýmettik jelide qyzý talqylanǵan bolatyn. Aqmola oblysynyń polıtsııa qyzmetkerleri ol júrgizýshini ustap, ákimshilik kodekstiń eki baby boıynsha jaýapqa tartty, dep habarlaıdy QazAqparat tilshisi.

Kóbeıtuzǵa kóligimen kirip ketken kólik ıesiniń áreketine áleýmetti jeli qoldanýshylary ashýlanyp, tártip buzýshyny jazalaýdy talap etken edi.

«Aqmola oblysynyń polıtseıleri jol talǵamaıtyn kóliktiń ıesin men istiń mán-jaıyn anyqtaý úshin jedel-izdestirý sharalaryn júrgizdi. Qabyldanǵan sharalardyń nátıjesinde tártip saqshylary Toyota Land Cruiser kóliginiń Nur-Sultan qalasyndaǵy jeke qurylys kompanııalarynyń birinde tirkelgenin anyqtady. Osy jyldyń 20 shildesinde jol talǵamaıtyn kóligimen 40 jastaǵy júrgizýshi Kóbeıtuz kóline kirip ketken», - dep habarlady Aqmola oblysy polıtsııa departamentiniń baspasóz qyzmetinen.

Osy jaǵdaı boıynsha quqyq qorǵaýshylar tártip buzýshyny eki bap boıynsha ákimshilik jaýapkershilikke tartqan. Atap aıtqanda ol ákimshilik kodekstiń 364-baby (Ortaq sý paıdalaný qaǵıdalaryn buzý) boıynsha eskertý jarııalanyp, 434-babynyń ІІ tarmaǵy boıynsha (Ortaq paıdalanylatyn oryndardy lastaý) 5 AEK (13 890 teńge) aıyppul salyndy.

Osyǵan baılanysty polıtsııa qyzmetkerleri azamattardy sanıtarlyq-epıdemıologııalyq talaptardy saqtap, tabıǵatqa jaýapty túrde qaraýǵa shaqyrdy.

Sanıtarlyq normalardy saqtaý maqsatynda Aqmola oblysynyń Polıtsııa departamenti Kóbeıtuzǵa baratyn eki avtojolǵa 20 shildeden bastap 3 mobıldi beket ornatqan. Osylaısha tyıym salynǵan orynǵa kirý jáne shyǵý jaǵdaılary baqylanbaq. Odan bólek polıtsııanyń qosymsha patrýldeý ekıpajy kól jaǵasynda qadaǵalaý jumystaryn júrgizedi.

Eske salsaq, buǵan deıin koronavırýsty emdeıdi degen jeleýmen Kóbeıtuz kóli tuzynyń kelisi áleýmettik jelide 5 myń teńgeden satylyp jatqany týraly habarlaǵan bolatynbyz. Sondaı-aq, endi Kóbeıtuz kólinen tuz ben batpaq alǵandar jaýapkershilikke tartylmaq.


Áleýmettik jeliden alynǵan sýret


Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT