Kóbeıtuz ben Qorjynkól kólderi 49 jylǵa jalǵa berilmek

AQMOLA OBLYSY. QazAqparat – Aqmola oblysynyń tabıǵı resýrstar jáne tabıǵatty paıdalanýdy retteý basqarmasy Kóbeıtuz ben Qorjynkól kólderin jalǵa berýge baıqaý jarııalady, dep habarlaıdy QazAqparat.

«Aqmola oblysynyń tabıǵı resýrstar jáne tabıǵatty paıdalanýdy retteý basqarmasy» MM sý obektilerin oqshaý nemese birlesip paıdalanýǵa berý jónindegi konkýrs týraly habarlaıdy. Konkýrstyq qujattamany usynýdyń sońǵy merzimi — 2020 jylǵy 27 shilde, saǵat 12-00-ge deıin qabyldanady», - dep habarlandy basqarma saıtynda.

Sý obektilerin konkýrstyq negizde paıdalanýǵa berý konkýrsyna Kóbeıtuz ben Qorjynkól kólderi qoıylǵan. Olardy rekreatsııalyq maqsatta 49 jylǵa jalǵa berý kózdelip otyr.

Eske sala ketsek, elordadan 170 shaqyrym jerde ornalasqan Kóbeıtuz kóline karantın bitkenshe barýǵa tyıym salynǵan bolatyn.

Endi Kóbeıtuz kólinen tuz ben batpaq alǵandar jaýapkershilikke tartylady.