+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

QMDB qazaqstandyqtardy vaktsına saldyrýǵa úndedi

2021 jylǵy 30 shilde 16:26
Bólisińiz:
QMDB qazaqstandyqtardy vaktsına saldyrýǵa úndedi

NUR-SULTAN. QazAqparat – Qazaqstan musylmandary dinı basqarmasy koronavırýsqa qarsy ekpe salýǵa qatysty málimdeme jasady, dep habarlaıdy QazAqparat muftyat.kz-ke silteme jasap.

QMDB málimdeýinshe, Islam dininde adamnyń ómiri men densaýlyǵynan asqan qundylyq joq. Sondyqtan árbir adam óz densaýlyǵyna asa mán berýi qajet.

«Alla Taǵala «Baqara» súresiniń 195-aıatynda: «Ózderińdi óz qoldaryńmen qaýip-qaterge salmańdar», – dep buıyrǵan.

Alla Elshisi (oǵan Allanyń salaýaty men sálemi bolsyn): «Emdelińder, rasynda Alla árbir dertti shıpasymen qosa jaratty», – degen.

Dana halqymyz: «Aýyryp em izdegenshe, aýyrmaıtyn jol izde», – dep shıpa izdeýge úndegen. Sol úshin kez kelgen adam emdelýdiń jáne aýrýdyń aldyn alý joldaryn qarastyrýy tıis.

Arnaıy medıtsına mamandary qazirgi tańda álemge qaýip tóndirgen koronavırýs indetiniń aldyn alý úshin vaktsınatsııalaýdyń adam densaýlyǵyn saqtap qalýdyń qaýipsiz jáne tıimdi ádis ekenin aıtýda. Al sharıǵat boıynsha zárý jaǵdaıda ekpe salýǵa bolady. Alaıda ekpe saldyrý – ár azamattyń óz erki», - delingen málimdemede.

QMDB málimdeýinshe, álemde jáne elimizde pandemııalyq jaǵdaı kún saıyn kúrdelenýde.

«Juqpaly dertten bir otbasynda birneshe adam jan tapsyrýda. Bul jaǵdaı ekpe saldyrýǵa qatysty oń sheshim qabyldaý qajettigin kórsetip otyr. Osy rette halyqty barynsha saqtanyp, densaýlyǵymyz ben ómirimizdi saqtap qalý úshin ekpe saldyrýǵa úndeımiz.

Alla Taǵala halqymyzdy juqpaly indetten saqtap, naýqas jandarǵa shıpa násip etsin! Ámın!», delingen úndeýde.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT