Qıyn sátte partııanyń kadrlyq jáne adamı áleýeti tolyq qoldanylmady – Prezıdent «Nur Otan» týraly
2022 jylǵy 28 qańtar 15:57

Qıyn sátte partııanyń kadrlyq jáne adamı áleýeti tolyq qoldanylmady – Prezıdent «Nur Otan» týraly

NUR-SULTAN. QazAqparat – El Prezıdenti Qasym-Jomart Toqaev «Nur Otan» partııasyna naǵyz kóshbasshylardy belsendirek tartýdy tapsyrdy, dep habarlaıdy QazAqparat.

«Alda mynadaı basymdyqtarǵa basa nazar aýdarý mindeti tur. Birinshi – partııa qataryndaǵy yntymaqtastyqty nyǵaıtý, qoǵamnyń barlyq qurylymdyq kúshterin biriktirý. Partııa óz qataryna ártúrli qoǵamdyq-saıası toptardyń ókilderin, otandastardyń senimine ıe naǵyz kóshbasshylardy belsendirek tartýy kerek. Ókinishke qaraı, partııada mundaı adamdardyń jetkiliksiz ekenin kórdik», - dedi Memleket basshysy Nur Otan partııasynyń kezekten tys XXI sezinde.

Prezıdenttiń aıtýynsha, qıyn sátte partııanyń barlyq aýqymdy kadrlyq jáne adamı áleýeti, onyń barlyq tarmaqtalǵan ınfraqurylymy tolyq iske qosylmady.

«Nur Otan» shynaıy isterdiń partııasy bola otyryp, oqıǵalardyń bel ortasynda jáne protsesterdiń aldyńǵy shebinde bolýy tıis. Endi syrttan baqylaýshynyń pozıtsııasynda júrýge bolmaıdy», - dedi Q. Toqaev.


Jańalyqtar

MURAǴAT