+7 (701) 759 90 19
USD 386.30 EUR 428.14
RUB 6.08 CNY 54.87
Jańalyqtar

Kirister komıteti jeke tulǵanyń salyqqa qatysty TOP-20 suraǵyna jaýap berdi

2019 jylǵy 20 qazan 12:18
Bólisińiz:
Kirister komıteti jeke tulǵanyń salyqqa qatysty TOP-20 suraǵyna jaýap berdi

AQTAÝ. QazAqparat - Memlekettik kirister komıteti jeke tulǵalardyń salyqqa qatysty TOP-20 suraǵyna jaýap berdi, dep habarlaıdy QazAqparat Mańǵystaý oblysy boıynsha Memlekettik kirister departamentine silteme jasap.

Uqsas jańalyqtar
Kásipker Reseıden ákelgen taýarynyń salyǵyn tóleýden jaltarǵan Salyq tóleýshiler úshin Telegram chat iske qosyldy Almatyda shoý uıymdastyrýshylar óz kiristerin 15 esege azaıtyp kórsetken

Salyq tóleýshiler (jeke tulǵalar) múlikke, jer jáne kólik salyqtaryn tóleýge qatysty suraqty jıi qoıady. Azamattar ózderiniń salyq mindettemelerin qalaı durys oryndaý kerektigin kóbine bile bermeıdi. Osyǵan oraı Memlekettik kirister komıteti eń jıi qoıylatyn TOP-20 suraqty iriktep aldy jáne olardyń jaýaptaryn jarııalaıdy.

1. Jeke tulǵalardyń múlik salyǵy, jer salyǵy jáne kólik quraldaryna salyǵynyń tóleý merzimderi qandaı?

- Jeke tulǵalar bıýdjetke: jer salyǵy men múlik salyǵyn esepti jyldan keıingi jyldyń 1 qazanynan keshiktirmeý kerek; kólik salyǵyn esepti jyldyń 31 jeltoqsanynan keshiktirmeı tóleıdi.

2. Salyqty ýaqytyly tólemegeni úshin aıyppul sanktsııalary bola ma?

- Qoldanystaǵy Qazaqstan Respýblıkasynyń Salyq kodeksinde salyq mindettemesin oryndaýdyń merzimi ótken árbir kún úshin beresi somasyna ósimpul somasyn esepteýdi qospaǵanda, aıyppul sanktsııalary belgilenbegen.

3. Kólik salyǵyn qalaı tóleý kerek?

- Jeke tulǵalar salyq tóleýdi turǵylyqty (tirkelgen) jeri boıynsha júrgizedi.

4. Eger salyq tóleýshi turǵylyqty tirkelgen jerin aýystyryp, Mańǵystaý, al kólik burynǵysynsha Almaty oblysynda tirkelgen bolsa, onda jeke tulǵalar kólik quraldaryna salynatyn salyqty qaıda tóleıdi?

- Salyqty turǵylyqty jeri boıynsha bıýdjetke tóleýi qajet, derektemelerin turǵylyqty jeri boıynsha memlekettik kirister basqarmasyna ne 1414 telefony arqyly Baılanys ortalyǵyna habarlasyp alýǵa bolady.

5. Avtokólik jol-kólik apatynan keıin buzylyp, paıdalanylmaı tur, osy kólik quraly úshin salyqty tóleý kerek pe?

- Iá, avtomobıl Jol polıtsııasy basqarmasynyń organdarynda kólik tirkeý esebinde turǵan bolsa tóleýi kerek. Osyndaı kólik quraly boıynsha salyq mindettemesin oryndaýdy toqtatý úshin ony tirkeý esebinen shyǵarý qajet.

6. Kólik quraldaryna salyq tóleý kezinde óz atyma qate tólep qoıdym, al avtokólik jubaıymnyń atyna tirkelgen. Endi bul tólemdi áıelimniń atyna qalaı eseptesem eken?

- Salyq kodeksiniń 101-baby 5-tarmaǵyna sáıkes salyqtyń, bıýdjetke tólenetin tólemniń, ósimpuldyń artyq tólengen (óndirip alynǵan) somasy basqa salyq tóleýshiniń salyqtyq bereshegin óteý esebine esepteýge jatpaıdy. Bul adam somasyn qaıtarý týraly ótinish bere alady.

7. Eger men avtokólikti senimhat boıynsha satyp jibersem, salyqtar kimge esepteledi: maǵan ba álde avtokóliktiń naqty paıdalanýshysyna ma?

- Sizdiń menshik quqyǵyńyz eki jaqty mámile jasalǵan jáne ýákiletti organda tirkelgen negizde ǵana toqtatylady, avtomobıldi basqa tásildermen satý (senimhat boıynsha ne saqtandyrý boıynsha) menshik quqyǵyn toqtatpaıdy.

Tıisinshe, salyqtar resmı túrde ýákiletti organda tirkelgen avtokóliktiń menshik ıesine esepteledi. Bul rette senimhat boıynsha kólik quralyn berý Azamattyq kodeksiniń normalaryna sáıkes múlikti ıelikten aıyrý men menshik quqyǵyn berý bolyp tabylmaıdy, tek menshik ıesiniń atynan ony basqarýǵa nemese múddelerin bildirýge ǵana quqyq beredi.

8. Eger avtomobıl bıyl tamyz aıynda satyp alynǵan bolsa, jeke tulǵadan kólik quraly salyǵyn tóleý qandaı mólsherde júrgiziledi?

- Kólik quraly salyǵynyń somasy menshik quqyǵy alynǵan aıdyń 1-kúninen bastap salyq kezeńiniń sońyna deıingi kezeń úshin esepteledi. Tıisinshe, sizdiń jaǵdaıyńyzda kólik salyǵyn bes aı úshin: tamyzdan jeltoqsanǵa deıin tóleý qajet.

9. Kólik quraldarynyń tirkemeleri kólik salyǵyn salý obektisi bolyp tabylady ma?

- Kólik quraldarynyń tirkemeleri kólik quraly salyǵyn salý obektisi bolyp tabylmaıdy.

10. Jeke tulǵa qalaı jáne qaı jerde óz betinshe kólik salyǵyn esepteý alady?

- Kólik quraly salyǵyn esepteýdi salyq tóleýshiler óz betinshe mynadaı servısterge ótip: «Elektrondyq servıster» - «Kalkýlıator» - «Kólik salyǵyn esepteý» degen paraqshalardan nemese myna siltemede esepteı alady. Avtomatty esepteýdi júrgizý úshin ashyq joldardy toltyryńyzdar.

11. Jer salyǵyn jáne múlik salyǵyn aıqyndaý úshin salyq bazasy qandaı?

- Jer salyǵyn aıqyndaý úshin jer ýchaskesiniń jáne (nemese) jer úlesiniń alańy, al múlik salyǵy boıynsha – múlikti baǵalaý quny salyqtyq baza bolyp tabylady.

12. Jer ýchaskesine arnalǵan sáıkestendirý qujattary bolmaǵan jaǵdaıda paıdalanýshyny jer salyǵyn tóleýshi retinde taný úshin negiz bolyp tabylatyn ne?

- Jer ýchaskesine arnalǵan sáıkestendirý qujattary bolmaǵan jaǵdaıda paıdalanýshyny jer ýchaskesine qatysty jer salyǵyn tóleýshi retinde taný úshin:

1) jer ýchaskesi memlekettik menshikten berilgen kezde – memlekettik organdardyń jer ýchaskesin berý týraly aktileri;

2) qalǵan jaǵdaılarda – azamattyq-quqyqtyq mámile negizinde nemese Qazaqstan Respýblıkasynyń zańnamasynda kózdelgen ózge de negizderde osyndaı ýchaskeni is júzinde ıelený jáne paıdalaný negiz bolyp tabylady (SK 499-b.3-t.).

13. Jeke tulǵadan múlik salyǵyn esepteýdiń salyq bazasy?

- «Azamattarǵa arnalǵan úkimet» memlekettik korporatsııasy esepti jyldan keıingi árbir jyldyń 1 qańtaryndaǵy jaǵdaı boıynsha aıqyndaıtyn salyq salý obektileriniń quny jeke tulǵalar úshin turǵynjaılar, saıajaı qurylystary, garajdar boıynsha salyqtyq baza bolyp tabylady (Salyq kodeksiniń 529-b.1-t.).

14. Aýyl sharýashylyq maqsatyndaǵy paıdalanylmaıtyn jerler boıynsha jer salyǵynyń bazalyq mólsherlemelerin túzetý qaı jaǵdaıda júrgiziledi?

- Jergilikti ókiletti organdardyń Qazaqstan Respýblıkasynyń jer zańnamasyna sáıkes paıdalanylmaıtyn aýyl sharýashylyǵy maqsatyndaǵy jerge bazalyq jer salyǵynyń mólsherlemesin on eseden asyrmaı arttyrýǵa quqyǵy bar (SK 509-b. 4-t.).

15. 2015 jyly qozǵaltqysh kólemi 4 700 tekshe sm bolatyn 2010 jylǵy Lexus markaly avtomashınany satyp aldy da, anasynyń atyna rásimdedi, anasy «Altyn alqa» ordenin ıelengen, ol kólik salyǵyn tóleýden bosatylady ma?

- Salyq kodeksine sáıkes qozǵaltqysh kólemi 4 000 tekshe sm-da asatyn jáne ýákiletti organda 2013 jylǵy 31 jeltoqsannan keıin qaıta resimdelgen avtomobılder kólik salyǵyn tóleýden bosatylmaıdy, sondyqtan atalǵan norma kórsetilgen adamdarǵa qoldanylmaıdy.

16. Men 2-shi toptaǵy múgedekpin, men kólik salyǵynan bosatylamyn ba?

- Iá, Siz 2013 jylǵy 31 jeltoqsannan keıin kólik quralynyń menshik ıesiniń aýysýyna baılanysty ýákiletti memlekettik organdarda tirkelgen, qozǵaltqysh kólemi 4 000 tekshe santımetrden asatyn jeńil avtomobılden basqa, salyq salý obektisi bolyp tabylatyn bir avtokólik quraly boıynsha – menshigińizdegi motokolıaska jáne avtomobıl boıynsha jeńildikti paıdalana alasyz.

17. Jeke tulǵa-múgedek úshin múlik salyǵyn jáne jer salyǵyn esepteý kezinde qandaı salyq jeńildikteri kózdelgen?

- Múgedekter menshik quqyǵyndaǵy barlyq salyq salý obektileriniń jalpy qunynyń 1 500 eselengen mólsherdegi aılyq eseptik kórsetkishi sheginde múlik salyǵyn tóleýshi bolyp tabylmaıdy.

Múgedekter mynalar boıynsha:

turǵyn-úı qory, onyń ishinde, onyń janyndaǵy qurylystar men ǵımarattar alyp jatqan jer ýchaskeleri;

úı mańyndaǵy jer ýchaskeleri;

qurylys alyp jatqan jerdi qosa alǵanda, jeke (qosalqy) úı sharýashylyǵyn júrgizý, baǵbandyq jáne saıajaı qurylysy úshin berilgen jer ýchaskeleri;

garajdar ornalasqan jer ýchaskeleri boıynsha jer salyǵyn tóleýshi bolyp tabylmaıdy.

18. Jeke tulalardyń jergilikti salyq boıynsha bereshegin qalaı tekserýge bolady?

- Salyq bereshegin, onyń ishinde kólik quralyna salyǵy boıynsha bereshektiń bar joǵyn Memlekettik kirister komıtetiniń saıtynda «Elektrondy qyzmet» - «Salyqtyq bereshektiń joq (bar) ekeni týraly málimet» bóliminde JSN engizý arqyly, sondaı-aq «Elektrondy úkimet» portalynda ne jergilikti jeri boıynsha MKB tekserýge bolady.

19. Memlekettik kirister organy múlik jáne kólik quraly boıynsha derekter qoryn ózektendirý úshin qandaı is-sharalar júrgizýde?

- Qazirgi ýaqytta memlekettik kirister organdary ýákiletti organdarmen derekter qoryn ózektendirýdi júrgizýde. Menshik ıeleri týraly málimetter naqtylanýda, sondaı-aq osyndaı málimetterge taldaý jasalýda. QR ІІM, QR ÁM, QR AShM KÝZR, «Azamatarǵa arnalǵan úkimet» KEAQ aqparattyq júıelerimen ózara onlaın is-qımyl 2019 jylǵy 4-toqsanǵa josparlanýda. Bul shara salyq tóleýshilerden kelip túsetin ótinishterdi qysqarýǵa, sondaı-aq salyq somasyn durys esepteýge múmkindik beredi.

20. Salyq raqymshylyǵy jeke tulǵalardyń múlik salyǵy, jer jáne kólik salyǵy boıynsha bereshekterine áser etedi me?

- Iá, taratylady. Bul rette aldyńǵy kezeń ishinde jeke tulǵada qalyptasqan salyq mindettemeleri boıynsha 2019 jylǵy 31 jeltoqsanǵa (qosa alǵanda) deıingi merzimde qaryzdyń negizgi somasyn tólegen jaǵdaıda aıyppuldar men ósimpuldar somasy raqymshylyqqa jatady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT