Kılıan Mbappe Frantsııa chempıonatynda aıdyń úzdik oıynshysy atandy
ASTANA. QazAqparat – «PSJ» klýbynyń shabýylshysy Kılıan Mbappe Frantsııa chempıonatynda qarasha jáne jeltoqsan aılarynyń qorytyndysy boıynsha úzdik oıynshy atandy, dep habarlaıdy QazAqparat tilshisi.
Shampionat.com saıtynan alynǵan málimetke qaraǵanda, 24 jastaǵy K.Mbappe Frantsııa fýtbolshylary kásipodaǵynyń saıtynda júrgizilgen daýys berýde ozyp shyqqan.
Qarasha men jeltoqsanda Kılıan óziniń komandasy ótkizgen úsh matchqa qatysyp, eki gol soqty. Krıstof Galteniń shákirtteri bul oıyndarda jeńiske jetti.
Bıylǵy maýsymda Mbappe birinshilikte 17 kezdesýde 13 goldyń avtory atanyp, 2 nátıjeli pas berdi.
Jýyrda Frantsııa kýboginiń 1/16 fınalynda «Peı de Kassel» klýbymen ótken matchta Mbappeniń bes gol soqqany belgili.
Frantsııa chempıonatynda 19 týrdyń qorytyndysy boıynsha «PSJ» 47 upaı jınap, kósh bastap keledi.
Eske sala keteıik, budan buryn Kılıan Mbappeniń «PSJ» tarıhynda bir oıynda bes gol soqqan alǵashqy oıynshy atanǵanyn jazǵan bolatynbyz.
Foto: CATHERINE STEENKESTE/GETTY IMAGES
