FÝTBOLDAN ÁLEM ChEMPIONATY-2022
  Jańalyqtar  >

Kıikti jappaı atýǵa ruqsat berilmeıdi – Ekologııa mınıstri

2022 jylǵy 6 qazan, 15:40
Kıikti jappaı atýǵa ruqsat berilmeıdi – Ekologııa mınıstri

ASTANA. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev elimizde kıikti jappaı attýǵa ruqsat berilmeıtinin aıtty, dep habarlaıdy QazAqparat tilshisi.

«Kıikterge qatysty sheshimdi áli qabyldaǵan joqpyz. Osy aıdyń sońyna deıin tıisti uıǵarym bolatynyn aıtqan edim. Qandaı sheshim qabyldansa da, bul baǵyttaǵy jumystardy kelesi jyldyń kúzinde bastaımyz. Jappaı atýdan bas tarttyq. Kıikterdi jappaı atýǵa qatysty sheshim qabyldamaımyz», - dedi Serikqalı Brekeshev Senattyń jalpy otyrysynan keıin tilshiler saýalyna jaýap bere otyryp.

Budan buryn habarlanǵandaı, bıyl tamyz aıynda Serikqalı Brekeshev Qazaqstanda kıik sanyn retteý máselesi qazan aıynda sheshiletinin aıtqan edi.

Osy oraıda kelesi jyly aqyly ańshylyq bastalýy múmkin ekenin aıtyldy.


Foto:turkystan.kz


Uqsas jańalyqtar
Seriktester jańalyqtary

Jańalyqtar