Kıikterdi atýǵa qatysty sheshim 1 aıdyń ishinde qabyldanady – BQO ákimi
2022 jylǵy 20 maýsym 12:43

Kıikterdi atýǵa qatysty sheshim 1 aıdyń ishinde qabyldanady – BQO ákimi

NUR-SULTAN. QazAqparat – Kıikterdi atýǵa qatysty sheshim 1 aıdyń ishinde qabyldanady. Bul týraly búgin Ortalyq kommýnıkatsııalar qyzmetinde ótken baspasóz máslıhatynda Batys Qazaqstan oblysynyń ákimi Ǵalı Esqalıev aıtty, dep habarlaıdy QazAqparat tilshisi.

«Sońǵy ýaqytta bul suraqty tilshiler qaýymy jıi qozǵap jatyr. «Kıikterdi atý, atpaýdy nege mınıstrlik qana sheshý kerek?» dep jatqandar da bar. Menińshe, mınıstrlik te, biz de jaýapty bolýymyz kerek. 2023 jylǵa deıin elimizde kıik atýǵa moratorıı bolǵany barshańyzǵa aıan. Taıaýda osy málesege arnalǵan jıyn ótip, onda moratorııdiń óz maqsatyna jetkeni aıtyldy. ıAǵnı kıikterdiń sany qaýipti kólemnen asty. Úkimettiń qaýlysyna sáıkes bıyl 1 shildeden bastap rezervat ashylýy tıis», - dedi Ǵalı Esqalıev.

Oblys basshysynyń aıtýynsha, kıikterdi atýǵa qatysty sheshim bir aıdyń kóleminde qabyldanady.

«Árıne, aldymen kıikterdiń popýlıatsııasyn joǵaltpaýymyz kerek. Rezervattyń maqsaty – kıikterdiń sanyn arttyrý emes, popýlıatsııasyn saqtap qalý. Sarapshylardyń pikirinshe shamamen 150-200 myń bas kıikti saqtap qalý kerek. Odan bólek, kıikterdiń sanyn biz retteýimiz qajet. Kıikterdiń kóbeıýi aýyl sharýashylyǵyna da zardabyn tıgizip jatyr. Sondyqtan bul másele sheshilýi tıis. Kıikterdi atýǵa qatysty sheshim 1 aıdyń ishinde qabyldanady», - deıdi ol.

Buǵan deıin QR Ekologııa, geologııa jáne tabıǵı resýrstar mınıstri Serikqalı Brekeshev kıikterdi atýǵa ruqsat berilýi múmkin ekenin aıtqan edi.


Seriktester jańalyqtary

Jańalyqtar

Úrdis

MURAǴAT