Kıik sanyn retteýge baǵyttalǵan buıryq jobasyn pysyqtaý qajet - mınıstrlik
2022 jylǵy 10 maýsym 13:01

Kıik sanyn retteýge baǵyttalǵan buıryq jobasyn pysyqtaý qajet - mınıstrlik

NUR-SULTAN. QazAqparat – Ekologııa, geologııa jáne tabıǵı resýrstar mınıstrligi ashyq derekter portalynda jarııalanǵan tabıǵı jolmen ólgen kıik derıvattaryn jınaý jónindegi buıryq jobasyn keri qaıtaryp aldy, dep habarlaıdy QazAqparat vedomstvonyń baspasóz qyzmetine silteme jasap.

«Qazirgi ýaqytta kıikterdiń sanyn anyqtaý maqsatynda, ǵylymı bıologııalyq negizdeme ázirlenip jatyr. Onyń qorytyndysy boıynsha kıikterdiń sanyn retteý máselesine qatysty sheshim qabyldanady. QR EGTRM Orman sharýashylyǵy jáne janýarlar dúnıesi komıteti NQA (normatıvtik quqyqtyq aktiler) ashyq derekter portalynda kıiktiń derıvatyn jınaýǵa buıryq jobasyn jarııalady. Atalǵan buıryq jobasy tabıǵı ólimmen ólgen kıikterdiń derıvattaryn jınaýǵa baǵyttalǵan. Alaıda, komıtet buıryqtyń bul jobasyn pysyqtaý úshin ashyq NQA-dan qaıtaryp aldy», - delingen mınıstrlik málimdemesinde.

Aıta keteıik, kıikterdi qorǵaý maqsatynda qabyldanǵan sharalar nátıjesinde ań qarasy jyl saıyn orta eseppen 40%-ǵa artyp keledi. 2017 jyly 152 myń bolsa, bıyl 1,3 mln-ǵa jetti. Al, olardyń respýblıka boıynsha ońtaıly sany 560-770 myń bolý kerek.

Ásirese, másele Batys Qazaqstan oblysynda ózekti bolyp otyr. Vedomstvo deregine sáıkes, sanaq qorytyndysy óńirde 801 myń kıik baryn kórsetken. Munyń zalaly aýyl sharýashylyǵyna, atap aıtqanda jaıylymdar men sýattarǵa tıip jatqany belgili.

«Batys Qazaqstan, Aqmola jáne Qostanaı oblystarynda aýyl sharýashylyǵy daqyldaryn egý naýqany júrip jatqanyn eskerýimiz qajet. 2015 jylǵy pasterellez indetiniń qaıtalaný qaýpi bar. Sol jyly 150 myń kıik (búkil popýlıatsııanyń 80%-y) qyrylyp qalǵan edi», - dep jazady ekologııa mınıstrligi.

Eske salsaq, BQO ákimi sharýalar múddesin qorǵaý úshin kıiktiń sanyn retteý qajettigin aıtqan edi.

Ekologııa, geologııa jáne tabıǵı resýrstar mınıstri Serikqalı Brekeshev BQO turǵyndarynyń kıik sany shekten tys kóbeıip ketkeni týraly shaǵymyna pikir bildirdi.

Sondaı-aq, Aqmola oblysy Atbasar aýdanyndaǵy Esengeldi aýylynyń turǵyndary kıikterdiń egindi taptap júrgenin túsirip, áleýmettik jelige beınejazba jarııalady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT