Kids Go Free jobasy aıasynda 300-den astam bala saıahattady
2022 jylǵy 4 shilde 16:53

Kids Go Free jobasy aıasynda 300-den astam bala saıahattady

NUR-SULTAN. QazAqparat – Kids Go Free jobasynyń múmkindigin paıdalanyp 300-den astam bala tegin ushty. Bul týraly Mádenıet jáne sport vıtse-mınıstri Erjan Erkinbaev málim etti, dep habarlaıdy QazAqparat tilshisi.

Bıyl elimizde Kids Go Free jobasy pılottyq rejımde iske qosyldy. Atalǵan baǵdarlama 2-17 jastaǵy balalar men jasóspirimderge el ishinde saıahat jasaǵanda tegin ushýǵa múmkindik beredi.

«Kids Go Free bıyl qańtarda iske qosyldy. Búginde kóptegen týrıstik kompanııa atalǵan baǵdarlamamen jumys istep jatyr. Basty shart jasóspirim kámelet jasyna tolmaǵan bolýy kerek. ıAǵnı otbasylyq týrıstik joldama satyp alǵan kezde, balalary tegin usha alady. Onyń aqysyn týrıstik kompanııa kóteredi» , - dedi Erjan Erkinbaev tilshilerdiń suraǵyna jaýap berip.

Onyń aıtýynsha, bıylǵy josparǵa sáıkes 15 myń balaǵa deıin Kids Go Free jobasynyń múmkindigin paıdalana alady.

«Osy kúnge deıin 300 bala tegin ushty. Taǵy 700 bala joldama aldy, olar endi saıahattaıdy. Jıi suranysqa ıe aımaqtar – Almaty, Túrkistan jáne Mańǵystaý. Eger jobany qoldanýshylar sany bizdiń jospardan asyp ketse, onda qosymsha qarjy suraıtyn bolamyz», - deıdi ol.

Eske sala ketsek, Kids Go Free jobasy qalaı jumys isteıtini týraly Kazakh Tourism AQ ulttyq kompanııasynyń basqarýshy dırektory Danıel Serjanuly áńgimelep bergen edi.


Uqsas jańalyqtar

Jańalyqtar

Úrdis

MURAǴAT