+7 (701) 759 90 19
USD 375.87 EUR 406.24
RUB 5.84 CNY 53.45
Jańalyqtar

QHL: «Barys» SKA komandasynan jeńilip qaldy

2020 jylǵy 24 qańtar 00:52
Bólisińiz:
QHL: «Barys» SKA komandasynan jeńilip qaldy

NUR-SULTAN. QazAqparat - Elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń SKA komandasymen oınady, dep habarlaıdy QazAqparat tilshisi.

Uqsas jańalyqtar
Tennıs: ıAroslava Shvedova Doha týrnıriniń alǵashqy aınalymynan asa almady Danııar Qaısanov eki dúrkin Azııa chempıony atandy Túrkistan oblysynyń Keles aýdanynda kókpardan chempıonat ótti

Atalmysh oıyn Sankt-Peterbýrg qalasynda ótkizildi. Aıta keterligi, armııashylar klýby búgingi kúnge deıin óz aıdynynda «Barys» komandasynan birde-bir márte jeńilip kórgen joq.

Eki komanda týrnır kestesinde de qatar tur. Atap aıtqanda, 50 oıynnan keıin SKA 69, «Barys» 67 upaı jınady.

Sondyqtan búgingi kezdesý tartysty ótti. Qos komanda da shabýyl shebinde jıi boı kórsetti. Alǵashqy shaıbany aıdyn ıeleri soqty. Oıynnyń 3-mınýtynda Ivan Morozov SKA komandasyn alǵa shyǵardy. Budan keıin qos komanda tarapynan esepti ózgertetin birneshe múmkindik bolǵan edi. Ony ekeýi de tıimdi paıdalana alǵan joq.

Ekinshi kezeńde «Barystyń» basymdyǵy baıqalyp turdy. Nátıjesinde 23-mınýtta elordalyq hokkeıshi Kertıs Valk tarazy basyn teńestirdi. Kóp uzamaı SKA sapynan Vasılıı Glotov mergendik tanytyp, qaıtadan armııashylar klýby alǵa shyqty.

Al qazaqstandyq hokkeıshi 29 jáne 32-mınýttarda Nıkıta Mıhaılıs qos goldyń avtory atandy. Osylaısha «Barys» 3:2 esebimen alǵa shyqty. Oıynnyń 34-mınýtynda reseılik Vasılıı Podkolzın tarazy basyn teńestirdi.

Úshinshi kezeńniń basynda reseılik klýb sapynan Naıl ıAkýpov «Barys» qaqpasyn dál kózdedi. Al 42-mınýtta SKA hokkeıshisi Iorı Lehterıa esepti ulǵaıtty. Oıynnyń 50-mınýtynda elordalyq hokkeıshi Korben Naıt bir goldyń avtory atandy.

Reseılik klýb hokkeıshisi Andreı Kýzmenko 54-mınýtta «Barys» qorǵaýshylarynyń qateligin sheber paıdalanyp gol soǵyp ketti. Al 55-mınýtta elordalyq komanda qaqpasyna belgilengen býllıtti reseılik Naıl ıAkýpov múlt jibergen joq. Oıynda «Barys» qarsylasyna 4:7 esebimen jol berdi.

Budan buryn «Barys» syrt aıdynda Fınlıandııanyń «Iokerıt» komandasynan basym túsken edi.

«Barys» endi eki oıyndy syrt aıdynda ótkizedi. Aldymen 25 qańtarda «Salavat ıÝlaev» (Ýfa) komandasymen kezdesse, 27 qańtarda «Avtomobılıst» (Ekaterınbýrg) klýbymen sheberlik baıqasady.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT