Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 379.29 EUR 426.40
RUB 5.93 CNY 56.58
Jańalyqtar

QHL: «Barys» qytaılyq klýbty tize búktirdi

2019 jylǵy 22 aqpan 20:22 994
Bólisińiz:
QHL: «Barys» qytaılyq klýbty tize búktirdi

  ASTANA. QazAqparat - Elordalyq «Barys» bıylǵy qurlyqtyq hokkeı lıgasyndaǵy sońǵy oıynyn Qytaıda «Kýnlýn Red Star» komandasyna qarsy ótkizdi. Budan keıin pleı-off kezeńi sanalatyn Gagarın kýbogy oıyndary bastalady, dep habarlaıdy QazAqparat tilshisi.

Uqsas jańalyqtar
Shaıbaly hokkeıden Qazaqstan áıelder komandasy V tobyndaǵy ornyn saqtap qaldy Búgin hokkeıden jasóspirimder arasyndaǵy álem chempıonaty bastalady

Esterińizge sala ketelik, «Barys» komandasy pleı-off kezeńine birneshe oıyn buryn joldama alyp qoıǵan edi. Astanalyq klýbtyń pleı-off kezeńindegi qarsylasy da anyqtaldy. Bizdiń hokkeıshiler Reseıdiń Nıjnıı Novgorod qalasynyń «Torpedo» komandasymen sheberlik baıqasady.

Al «Kýnlýn Red Star» klýby pleı-off kezeńine shyǵýdan shet qaldy. Qazir olar jalpy týrnır kestesinde 21-orynda tur.

Degenmen búgingi kezdesýde «Kýnlýn Red Star» jeńisti qoldan bergisi kelgen joq. Bıyl eki komanda úsh márte kezdesip úlgerdi. Onyń ekeýinde «Barys» komandasy jeńiske jetse, bireýinde qytaılyq klýb basymdyq tanytty. 2018 jyldyń 12 jeltoqsanynda Beıjiń qalasynda bizdiń hokkeıshiler 4:1 esebimen jeńiske jetse, 2018 jyldyń 18 qańtarynda Astanadaǵy oıynda ««Kýnlýn Red Star» 3:1 esebimen ese qaıtaryp ketti. Al 14 aqpanda «Barys» óz aıdynynda olardy 3:1 esebimen tize búktirdi.
QHL: «Barys» qytaılyq klýbty tize búktirdi  

Búgingi kezdesý tartysty bastaldy. Alǵashqy bolyp elordalyq klýb esep ashty. Oıynnyń 4-mınýtynda Egor Petýhov bizdiń komandany alǵa shyǵardy. Degenmen 9-mınýtta «Kýnlýn Red Star» komandasynan Drıý Shor esepti teńestirdi. Al 24-mınýtta Voıtek Volskı qytaılyq klýbty alǵa shyǵardy. Úshinshi kezeń bastala salysymen «Barys» sapynan Andre Peterson esepti teńestirdi. Budan keıin esep ózgergen joq. Oıyn 2:2 esebimen teń aıaqtaldy. Oıyn overtaımǵa ulasty. Overtmaıda da jeńimpaz anyqtalǵan joq. Býllıtte «Barys» jeńiske jetti.
QHL: «Barys» qytaılyq klýbty tize búktirdi

«Barys» budan buryn 20 qańtarda Habarovskide «Amýr» komandasynan jeńilip qaldy.  

Endi «Barys» 26 aqpanǵa deıin demalys alady. Odan keıin pleı-off kezeńi bastalady. Pleı-off oıyndary eki komandanyń biriniń tórt jeńisine deıin jalǵasady. 

 

 

Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:

Avtor:

Ádiljan Úmbet

Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
MURAǴAT