+7 (701) 759 90 19
USD 439.01 EUR 474.61
RUB 5.75 CNY 61.91
Jańalyqtar

QHL: «Barys» kósh basyndaǵy TsSKA komandasyn jeńdi

2020 jylǵy 14 aqpan 00:40
Bólisińiz:
QHL: «Barys» kósh basyndaǵy TsSKA komandasyn jeńdi

NUR-SULTAN. QazAqparat - Búgin elordalyq «Barys» qurlyqtyq hokkeı lıgasynda Reseıdiń TsSKA komandasymen kezdesti, dep habarlaıdy QazAqparat tilshisi.

Uqsas jańalyqtar
Qurlyqtyq hokkeı lıgasynyń qalǵan bóligi ótpeıtin boldy Hokkeı: Qazaqstan chempıonatyna BAÁ komandasy qatysýy múmkin QHL: «Barys» pleı-offtyń jartylaı fınalyna qatyspaıdy

Esterińizge sala ketelik, reseılik armııashylar jalpy týrnır kestesinde jeke-dara kósh bastap keledi. Olardyń enshisinde 56 oıynnan keıin 86 upaı bar. Al jetinshi oryndaǵy «Barys» 75 upaıdy qanjyǵaǵa baılaǵan. TsSKA byltyr Gagarın kýbogynda bas júldege qol jetkizdi.

Elordalyq klýb úshin búgingi tartys ońaıǵa soqpaıtyny belgili edi. Dese de, «Barys» qarsylasynan qaımyqqan joq. Alǵashqy mınýttan laıyqty oıyn kórsetti. Qarsylastar qaqpasyna jıi shabýyldady.

Esepti armııashylar ashty. Oıynnyń 12-mınýtynda reseılik hokkeıshi Sergeı Tolchınskıı óz komandasyn alǵa shyǵardy. Al 18-mınýtta «Barys» sapynan Korban Naıt tarazy basyn teńestirip ketti.

Ekinshi kezeńde qazaqstandyq komandanyń basymdyǵy baıqalyp turdy. Elordalyq hokkeıshiler gol soǵatyn birneshe múmkindikti múlt jiberip aldy. Al 35-mınýtta Lınýs Vıddel «Barys» komandasyn alǵa shyǵardy.

Úshinshi kezeńde TsSKA hokkeıshileri oıyn tizginin óz qolyna alýǵa tyrysty. Nátıjesinde 48-mınýtta Klas Dalbek «Barys» qaqpasyn dál kózdeı bildi. Al 53-mınýtta elordalyq Darren Dıts ózine birgen múmkindikti múlt jibergen joq. «Barys» TsSKA komandasynan 3:2 esebimen basym tústi. Osylaısha elordalyq klýb bes oıyn qatarynan jeńiske jetip keledi. Bul jeńisten keıin qazaqstandyq komanda jalpy týrnır kestesinde altynshy orynǵa kóterildi.

Budan buryn «Barys» «Avtomobılıst» komandasyn jeńdi.

Endi «Barys» elordada úsh kezdesý ótkizedi. Aldymen 15 aqpanda - Reseıdiń «Sochı», 18 aqpanda - «Sıbır» (Novosibir), 21 aqpanda - «Salavat ıÝlaev» (Ýfa) klýbtarymen kezdesedi.


Bizdiń kanalymyzǵa jazylyńyz:

Basty sózder: Nur-Sultan, Sport, Reseı,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT