+7 (701) 759 90 19
USD 443.50 EUR 479.47
RUB 5.79 CNY 62.51
Jańalyqtar

QHL: «Barys» «Amýrdan» jeńilip qaldy

2019 jylǵy 24 qarasha 19:40
Bólisińiz:
QHL:  «Barys» «Amýrdan» jeńilip qaldy

NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Amýr» (Habarovsk) komandasyn qabyldady, dep habarlaıdy QazAqparat tilshisi.

Uqsas jańalyqtar
Hokkeı: Qazaqstan chempıonatyna BAÁ komandasy qatysýy múmkin QHL: «Barys» pleı-offtyń jartylaı fınalyna qatyspaıdy Qazaqstanda hokkeı jarystary kórermensiz ótedi - QHF

Búgingi oıynda «Barys» alǵashqy mınýttan tizgindi qolǵa alýǵa tyrysty. Qarsylastar qaqpasy mańynda birneshe shabýyl uıymdastyrdy. Nátıjesinde 13-mınýtta Arkadıı Shestakov esep ashty. Ekinshi kezeńniń 35-mınýtynda Pavel Akolzın esepti ulǵaıta tústi.

Dese de budan keıin reseılik klýb hokkeıshileri tarazy basyn teńestirýge múmkindik aldy. Olardyń sapynan 37 jáne 51-mınýttarda Tomash Zakorna qos goldyń avtory atandy.

Osylaısha oıynnyń negizgi kezeńi 2:2 esebimen teń aıaqtalyp, kezdesý overtaımǵa ulasty. Overtaımda Igor Rýdenkov jeńis shaıbasyn soǵyp ketti. Reseılik klýb 3:2 esebimen jeńiske jetti.

Eki komanda buǵan deıin bıyl eki márte kezdesip úlgerdi. Onyń ekeýinde de elordalyq hokkeıshiler basym túsken bolatyn.

Budan buryn «Barys» «Ak Bars» komandasyna ese jiberdi.

Sońǵy 13 oıynda «Barys» hokkeıshileri ala-qula oıynymen jankúıer kóńilinen shyǵa almaı júr. Sol oıyndardyń 4-de ǵana jeńiske jetip, qalǵanynda qarsylastaryna ese jiberip qoıǵan edi.

Elordalyq hokkeıshiler endi syrt aıdynda eki oıyn ótkizedi. Aldymen 26 qarashada Reseıdiń «Metallýrg» (Magnıtoorsk) komandasymen sheberlik baıqassa, 28 qarashada «Avtomobılıst» (Ekaterınbýrg) komandasymen oınaıdy.

Bizdiń kanalymyzǵa jazylyńyz:

Basty sózder: Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT