+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

QHL: «Barys» «Ak Bars» komandasyna ese jiberdi

2019 jylǵy 22 qarasha 22:02
Bólisińiz:
QHL: «Barys» «Ak Bars» komandasyna ese jiberdi

NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Ak Bars» (Qazan) komandasyn qabyldady, dep habarlaıdy QazAqparat tilshisi.

Uqsas jańalyqtar
QHL: «Barys» «Iokerıt» komandasynan jeńilip qaldy QHL: «Barys» overtaımda «Metallýrgti» jeńip ketti QHL: «Barys» «Amýrdan» jeńilip qaldy

«Ak Bars» komandasy - elordalyq klýbqa qolaısyz qarsylastyń biri. Búgingi kúnge deıin eki komanda 35 márte kezdesti. Onyń ishinde 6 oıynda ǵana «Barys» jeńiske jetse, qalǵanynda «Ak Bars» klýbynyń mereıi ústem boldy. Sońǵy ret elordalyq klýb óz aıdynynda 2018 jyldyń 16 qyrkúıeginde býllıtten 4:3 esebimen jeńgen bolatyn.

Búgingi kezdesýde qazandyq klýb saýatty oınaı bildi. Esep 3-mınýtta ashyldy. Ony «Ak Bars» hokkeıshisi Stanıslav Galıev oryndady. Al 6-mınýtta qazandyq hokkeıshi Artem Galımov esepti ulǵaıta tústi. Al 8-mınýtta «Ak Bars» sapynan Nıkıta Dynıak shaıba soǵyp ketti. Al 42-mınýtta Artem Galımov taǵy bir márte mergendik tanytty. Osylaısha «Ak Barstyń» basymdyǵymen tablodaǵy kórsetkish 4:0-ge jetti.

Budan keıin «Barys» komandasy shabýylǵa kóbirek kóńil bóldi. Qarsylastar qaqpasy mańynda jıi boı kórsetti. Nátıjesinde 46-mınýtta Atte Oktamaa esep aıyrmasyn qysqartýǵa múmkindik aldy. Degenmen reseılik klýb taǵy da gol soǵyp ketti. Ol 54-mınýtta Stanıslav Galıevtiń enshisine jazyldy. Kezdesýde «Barys» qarsylasynan 1:5 esebimen jeńilip qaldy.

Endi «Barys» 24 qarashada Reseıdiń «Amýr» (Habarovsk) komandasyn qabyldaıdy. Odan keıin syrt aıdynda 26 qarashada Reseıdiń «Metallýrg» (Magnıtoorsk), 28 qarashada «Avtomobılıst» (Ekaterınbýrg) komandalarymen sheberlik baıqasady.

Budan buryn 19 qarashada «Barys» elordada «Avtomobılıst» komandasynan basym túsken edi.

Bizdiń kanalymyzǵa jazylyńyz:

Basty sózder: Nur-Sultan, Sport,
Bólisińiz:

Avtor:

Ádiljan Úmbet

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT