+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

QHA nagradalarynyń jańa dızaıny tanystyryldy

2021 jylǵy 9 maýsym 16:53
Bólisińiz:
QHA nagradalarynyń jańa dızaıny tanystyryldy

NUR-SULTAN. QazAqparat – Qazaqstan halqy Assamblıasynyń atynan beriletin nagradalar tizimine birqatar ózgeris engizildi, dep habarlaıdy QazAqparat.

Bul týraly QHA Tóraǵasynyń orynbasary Maıa Bekbaeva Assambleıanyń keńeıtilgen otyrysynda málim etti. Onyń aıtýynsha, búginde Qazaqstan halqy Assambleıasynyń tórt qoǵamdyq marapaty bar. Olar:

1) «Qazaqstan halqy Assambleıasynyń qoǵamdyq «Birlik» altyn medali»;

2) «Jomart jan» tósbelgisi»;

3) qurmet gramotasy;

4) alǵys hat.

«Qazaqstan halqy Assambleıasy Keńesi músheleriniń qaraýyna qoǵamdyq nagradalar týraly ereje jobasy men qoǵamdyq nagradalar dızaıny usynylyp otyr. Birinshiden, Qazaqstan halqy Assambleıasynyń «Birlik» qoǵamdyq medali ózgerissiz qalady. Ol 10 jyldan astam ýaqyt boıy berilip, qoǵamda úlken bedelge jáne tanymaldyqqa ıe boldy», - degen Assambleıa ókili bul medal halyqtyń birligin nyǵaıtýǵa, beıbitshilik pen kelisimdi saqtaýǵa jáne rýhanı mádenıetti damytýǵa qosqan eleýli úlesi úshin beriletindigin eske saldy.

«Ekinshiden, bedel men áleýmettik mańyzdylyǵyn arttyrý úshin «Jomart jan» tósbelgisiniń dızaınyn ózgertý usynylady.

Qazaqstan halqy Assambleıasynyń «Jomart jan» tósbelgisi Qazaqstan Respýblıkasyndaǵy metsenattyq jáne qaıyrymdylyq qyzmetti damytýdaǵy eńbegi úshin azamattardy qoǵam bolyp taný jáne kótermeleý belgisi bolyp tabylady. 2017 jyldan bastap bul marapatqa 100-den astam adam ıe boldy. Jańa dızaın boıynsha tósbelgi dástúrli qazaq oıýy bar altyburyshty jibek qatqyl lentaǵa bekitilgen», - dedi Maıa Bekbaeva.

Sondaı-aq, ol «Jomart jan» tósbelgisiniń dızaıny men mazmunyn qaıtalap turǵan «Meıirim» tósbelgisiniń ornyna Qazaqstan halqy Assambleıasynyń «Alǵys» tósbelgisin engizýdi usyndy.

«Alǵys» tósbelgisi azamattardyń Qazaqstan halqy Assambleıasynyń qyzmetine jáne halyqtyń birligi men rýhanı qundylyqtardy nyǵaıtýǵa baǵyttalǵan áleýmettik, mádenı jáne aqparattyq jobalardy iske asyrýǵa belsendi qatysqany úshin beriledi. Tósbelgini tapsyrý quqyǵyn Qazaqstan halqy Assambleıasy Tóraǵasynyń orynbasary – Qazaqstan Respýblıkasy Prezıdenti Ákimshiliginiń QHA Hatshylyǵy meńgerýshisiniń qalaýy boıynsha usyný kózdeledi.

Bul tósbelgimen Qazaqstan Respýblıkasynyń azamattaryn jáne erekshe jaǵdaılarda shetel azamattaryn marapattaý josparlanýda. Árbir marapattalýshyǵa tıisti kýálik beriledi», - dedi Assambleıa Tóraǵasynyń orynbasary.

Onyń aıtýynsha, AQHA atynan beriletin qurmet gramotasy men alǵys hattardyń dızaın jáne mazmuny ózgerissiz qalmaq.

«Jalpy, usynylyp otyrǵan ózgerister Assambleıanyń qoǵamdyq nagradalarynyń biryńǵaı jelisin qurýǵa jáne olardyń biryńǵaı dızaınerlik sheshimin qamtamasyz etýge múmkindik beredi. Mundaı tásil Assambleıanyń qoǵamdyq nagradalarynyń mártebesi men mańyzdylyǵyn arttyrýǵa múmkindik beredi», - dedi Maıa Bekbaeva.


Bizdiń kanalymyzǵa jazylyńyz:

Bólisińiz:

Avtor:

Esimjan Naqtybaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT