+7 (701) 759 90 19
USD 386.19 EUR 427.71
RUB 6.07 CNY 54.87
Jańalyqtar

KFC-ge berilgen «QMDB halal» sertıfıkaty qaıtaryp alynǵan – Dinı basqarma

2019 jylǵy 20 qarasha 17:25
Bólisińiz:
KFC-ge berilgen «QMDB halal» sertıfıkaty qaıtaryp alynǵan – Dinı basqarma

NUR-SULTAN. QazAqparat – Qaptamasyndaǵy «QMDB halal» tańbasy KFC-diń sertıfıkatty qaıta alǵanyn bildirmeıdi. Osylaı dep habarlama taratqan Qazaqstan musylmandary Dinı basqarmasy tutynýshylardan kelip jatqan aryz-shaǵymdar men fotoderekterdi jarııalady, dep habarlaıdy QazAqparat tilshisi.

«Halal ónimderin standarttaý bólimi 2018 jyldyń 12 jeltoqsanynda The Caspian International Restaurants Company kompanııasyna tıesili KFC restorandar jelisine berilgen «QMDB halal» sertıfıkatyn qaıtaryp alǵan bolatyn. Basty sebep – «QMDB halal standarty» talaptarynyń saqtalmaýy. Atalǵan kompanııanyń Almaty qalasyndaǵy basshylyǵyna KFC restorandar jelisi ǵımarattarynan sertıfıkatty jáne «QMDB halal» tańbasyn ónimderinen alyp tastaý jáne qoldanbaý jóninde eskertý haty joldanǵan bolatyn. Osy másele boıynsha, «Halal Damý» JShS-nyń óńirlerdegi jaýapty ókilderi tarapynan da birneshe ret tekseris jumystary júrgizildi», - dep habarlaıdy QMDB saıty.

Degenmen, The Caspian International Restaurants Company-diń «QMDB halal» tańbasyn áli de óz ónimderiniń qaptamalarynda paıdalanyp kelgendigi anyqtalyp otyr.




«Olaı deıtin sebebimiz, bizge tutynýshylar tarapynan kelip jatqan tolassyz aryz-shaǵymdar men hattar, fotoderekter bar. Qazaqstan musylmandary dinı basqarmasyna qarasty Halal ónimderin standarttaý bóliminiń maqsaty – halal ónimdi talapqa saı usyný. Jaýapkershilik pen senimdi óz deńgeıinde atqarý. Bul – bizge júktelgen mindet. «Halal Damý» men The Caspian International Restaurants Company KFC mekemesi arasynda sertıfıkattaýǵa qatysty qaıta kelisimshart jasalmaǵanyn habarlaı otyryp, KFC ónimindegi qaptamadaǵy «QMDB halal» tańbasy halal sertıfıkatyn qaıta alǵanyn bildirmeıdi», - delingen habarlamada.

Bul máselege qatysty qazaqstandyqtarǵa KFC ónimin usynatyn «The Caspian International Restaurants company» JShS-ǵa habarlasýǵa tyrysqanymyzben, bas keńsedegi telefon nómiri almady. Alaıda kkfc-kazakhstan.kz saıtyna kirseńiz, onda atalmysh kompanııanyń «Qazaqstandaǵy KFC meıramhanalary tek halal ónimdermen jumys isteıtindigin málimdeıdi» dep jazylǵan. Ondaǵy málimetke súıensek, KFC Qazaqstan komandasy 2018 jyldyń 11 jeltoqsanynan bastap «Qazaqstannyń Halal Indýstrııasy Qaýymdastyǵy» ZTB Halal sertıfıkattaý jónindegi Halyqaralyq organymen yntymaqtastyqta jumys júrgizedi.

Dese de, QMDB «halal standarty» bir jylda jańartylyp otyrýy kerektigin, atalmysh kompanııa ol sertıfıkatty jańartpaǵanyn habarlaıdy.

Bizdiń kanalymyzǵa jazylyńyz:

Basty sózder: Din, Azyq-túlik,
Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT