+7 (701) 759 90 19
USD 425.05 EUR 509.29
RUB 5.58 CNY 64.66
Jańalyqtar

Kezekshi synyptar balalardyń koronavırýspen aýyrýyna yqpal etti me

2020 jylǵy 27 qazan 19:15
Bólisińiz:
Kezekshi synyptar balalardyń koronavırýspen aýyrýyna yqpal etti me

NUR-SULTAN. QazAqparat – Sońǵy aptalarda balalar arasynda koronavırýs juqtyrý jaǵdaılarynyń sany artty. Bul týraly «Pedıatrııa jáne balalar hırýrgııasy ǵylymı ortalyǵy» AQ basqarma tóraǵasy Rıza Boranbaeva aıtyp berdi, dep habarlaıdy QazAqparat tilshisi.

Uqsas jańalyqtar
Qyzylordada 6,3 mlrd teńgege modýldik aýrýhana salynyp jatyr Koronavırýs kóbine profılaktıkalyq sharanyń saqtalmaýynan taraıdy – dáriger Túrkistan oblysynda 10 naýqas koronavırýstan em qabyldap jatyr

«Sáýir aıynyń basynan beri 2 940 bala aýyryp qaldy. Bul - 2 sáýirden bastalatyn málimetter. Al qazirgi ýaqytta koronavırýs ınfektsııasy dıagnozymen 275 bala tirkeldi. Onyń 41-i aýrýhanaǵa jatqyzyldy. Qalǵany úıde emdelip jatyr. Sońǵy aptalarda balalarda koronavırýs aýrýynyń ósýi baıqalady», - dedi Rıza Boranbaeva «QazAqparat» tilshisine bergen suhbatynda.

Onyń pikirinshe, aýrý sanynyń ósýin kezekshi synyptarmen baılanystyrýǵa bolmaıdy.

«Sebebi, naýqas 275 balanyń 182-si – mektep oqýshysy bolsa, 15-i – balabaqshaǵa barǵan balalar. Onyń ishinde 62 bala kezekshi synyptarda oqydy, sáıkesinshe 120 bala qashyqtan oqyǵan. ıAǵnı, kezekshi synyptarda oqıtyn balalar ǵana emes, qashyqtan oqıtyn balalar da aýyryp jatyr. Sonymen birge, olardyń arasynda mektep jasyna jetpegen balalar da bar», - dep túsindirdi dáriger.

Sondaı-aq, dáriger balalardyń koronavırýs ınfektsııasynyń aýyr formasymen eresekterge qaraǵanda sırek aýyratynyn eske saldy.

«Balalar arasyndaǵy aýrýdyń óz erekshelikteri bolady, kóp jaǵdaıda balalar sımptomsyz nemese jeńil túrde aýyrady. Máselen, qazir balalardyń 86% sımptomsyz nemese jeńil formada aýyryp jatyr. Aýyr syrqat túrleri balalardyń jasynda óte sırek – oǵan negizinen sozylmaly patologııasy bar balalar ǵana shaldyǵady», - dep qorytyndylady Rıza Boranbaeva.

Aıta keteıik, ótken táýlikte koronavırýs ınfektsııasy belgileri bar pnevmonııanyń 10 jaǵdaıy jáne 1 ólim jaǵdaıy tirkeldi. Oǵan qosa 17 adam emdelip shyqty.

1 tamyzdan bergi statıstıka: aýyrǵandar - 36 931, 395 ólim jaǵdaıy tirkeldi, al jazylyp shyqqandardyń sany 28 548 jetti.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT