Kezdeısoq adam sýdıa bolǵansha, orny bos turǵany jaqsy – Joǵarǵy sot
2021 jylǵy 5 qarasha 15:22

Kezdeısoq adam sýdıa bolǵansha, orny bos turǵany jaqsy – Joǵarǵy sot

NUR-SULTAN. QazAqparat – Qazaqstanda jańa sýdıalardyń jeke qasıeti men kásibı deńgeıi qaraldy jáne 300-den astam vakansııa bosady. Bul týraly QR Joǵarǵy Sotynyń resmı ókili Aıdos Sádýaqasov aıtyp berdi, dep habarlaıdy QazAqparat tilshisi.

«2018 jyldan bastap sot júıesine jobalyq menedjment elementterin engizdik. Eń aldymen, sotty uıym retinde qarastyrdyq. Kez kelgen uıym sekildi bizde de 3 kezeń bar: «KІRІS – PROTsESS – ShYǴYS». Kiris degenimiz – sotqa túsetin ister, jańa sýdıalyq kadrlardyń kelýi jáne sottardyń ınfraqurylymy men servısi. Protsess – sot isin júrgizý kezeńi. Al shyǵys – qorytyndy sot aktileri. Sarapshylarmen birlesip, osy úsh kezeń boıynsha jan-jaqty, egjeı-tegjeıli taldaý júrgizdik», - dedi spıker Ortalyq kommýnıkatsııalar qyzmetindegi baspasóz máslıhatynda.

Onyń aıtynsha, sotqa kelip túsetin isterdiń 70%-ǵa jýyǵy shyndap kelgende sotsyz-aq sheshiletini belgili boldy. Demek, sýdıalar basy artyq jumyspen aınalysyp kelgen.

«Ekinshiden, jańa sýdıalardyń jeke qasıeti men kásibı deńgeıine qatysty kóptegen suraqtar týyndady. Úshinshiden, sottardyń ǵımarattary men servısteri kelýshilerge jáne sýdıalardyń ózderine qolaıly bolmady. Osy máselelerdi sheshý úshin 30-dan astam zań qabyldandy, sýdıalardy irikteý júıesi kúsheıtildi, sottardyń materıaldyq-tehnıkalyq bazasy nyǵaıdy.

Nátıjesinde biliksiz zańgerlerdiń sýdıalyq mansapqa joly jabyldy. Osyǵan baılanysty qazir 300-den astam vakansııa bar. Bul barlyq sýdıalyq shtattyń 13 paıyzyn quraıdy. Bizdiń ustanym mynadaı – kezdeısoq adam sýdıa bolǵansha, onyń orny bos bolǵany jaqsy», - deıdi A. Sádýaqasov.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT