Kez kelgen vaktsına ómir boıy qorǵanysh qalyptastyra almaıdy - Erjan Baıtanaev
2022 jylǵy 6 shilde 20:35

Kez kelgen vaktsına ómir boıy qorǵanysh qalyptastyra almaıdy - Erjan Baıtanaev

NUR-SULTAN. QazAqparat - Sanıtarlyq-epıdemıologııalyq baqylaý komıtetiniń resmı ókili Erjan Baıtanaev el bolyp ekpe alý - qaýipten qutqaratyndyǵyn aıtty, dep habarlaıdy QazAqparat.

«Kez kelgen vaktsına ómir boıy qorǵanysh qalyptastyra almaıdy. Belgili bir ýaqyt ótkennen keıin ekpeniń kúshi álsireıdi, antıdeneler joıylady. Sáıkesinshe aýrýdy juqtyryp alý qaýpi kúsheıedi», - dedi Erjan Baıtanaev.

Onyń paıymynsha, indetti toqtatýdyń birden-bir tóte joly - vaktsınatsııa. Ol aýyrmaýdyń jáne aýyrǵannyń ózinde jeńil ótkerýdiń kepili.

«Sondyqtan Sanıtarııalyq-epıdemıologııalyq baqylaý komıteti ult saýlyǵyn qamtamasyz etýdegi mańyzdy sharadan qalys qalmaı, elimizdiń árbir turǵynyn azamattyq tanytyp, jaqynǵa janashyr bolýǵa shaqyrady», - dedi resmı ókil.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT