Kez kelgen másele ýaqytynda sheshilmese, halyqtyń narazylyǵyn týǵyzady - Eraly Toǵjanov
2022 jylǵy 4 shilde 11:34

Kez kelgen másele ýaqytynda sheshilmese, halyqtyń narazylyǵyn týǵyzady - Eraly Toǵjanov

NUR-SULTAN. QazAqparat - QR Premer-Mınıstriniń orynbasary Eraly Toǵjanovtyń tóraǵalyǵymen memlekettik organdardyń táýekelderdi taldaý men boljamdyq qyzmetin kúsheıtý máselesi boıynsha keńes ótti, dep habarlaıdy QazAqparat.

Keńes jumysyna ortalyq memlekettik organdar men Nur-Sultan, Almaty, Shymkent qalalarynyń jáne oblys ákimdikteri qatysty.

Kún tártibinde memlekettik organdar men ákimdikterdiń halyqty alańdatatyn suraqtardy aldyn ala boljap, olardy sheshý boıynsha naqty algorıtmderdi ázirleý máseleleri talqylandy.

«Kez kelgen másele ýaqytynda sheshilmese, halyqtyń narazylyǵyn týǵyzýy múmkin. Sondyqtan memlekettik organdar táýekelderdi únemi taldap, olardy sheshýge árdaıym daıyn bolýy kerek»,- dep atap ótti vıtse-premer.

Keńes aıasynda memlekettik organdardyń jalaqy boıynsha qaryzdary, kommýnaldyq tarıfter, áleýmettik mańyzy bar taýarlar men ónimderdiń baǵasyn retteý, elektr energııasyn óndirý, kómir jetkizý, JJM-men qamtamasyz etý, qoqys polıgondary jáne basqa máselelerdi sheshý jónindegi esebi tyńdaldy.

Keńes barysynda oqý-aǵartý mınıstrligine jáne ákimdikterge pedagogterge jalaqyny ýaqytyly tóleýdi qamtamasyz etý, aýyl sharýashylyǵy mınıstrligine áleýmettik mańyzy bar azyq-túlik ónimderi baǵasynyń negizsiz ósýine jol bermeý úshin óndiris pen tutyný teńgeriminiń naqty boljamyn ázirleý tapsyryldy.

E.Toǵjanov balalardy jańa oqý jylyna daıyndaý maýsymy jaqyndaǵanyn jáne bul halyq shyǵynynyń ulǵaıýyna áser etýi múmkin ekenin atap ótti.

Sondyqtan baǵany turaqtandyrý úshin qoldanystaǵy naryqtyq quraldardyń múmkindikterin barynsha paıdalaný qajet.

Keńes qorytyndysy boıynsha barlyq memlekettik organdar men óńir ákimdikteriniń aldyna kelesideı mindetter qoıyldy:

- jalaqy boıynsha bereshektiń paıda bolýyna jol bermeý;

- barlyq yqtımal táýekelderdi turaqty negizde taldaý jáne salanyń problemalyq máselelerin sheshý boıynsha qadamdyq is-qımyldar algorıtmin ázirleý;

- problemalyq máseleler bolǵan jaǵdaıda olardyń sheshimin aıryqsha baqylaýǵa alý;

- memlekettik organdardyń aqparattyq, túsindirý jumystaryn kúsheıtý, áleýmettik jelilerdegi alańdardy belsendi túrde júrgizý, sondaı-aq halyqtyń suraqtaryna ýaqytyly jaýap berý.



Foto: primeminister.kz

Jańalyqtar

Úrdis

MURAǴAT