Keıbir óńirlerde mektep salýǵa bólingen bıýdjet qarajaty nashar ıgerilýde
2022 jylǵy 5 shilde 14:50

Keıbir óńirlerde mektep salýǵa bólingen bıýdjet qarajaty nashar ıgerilýde

NUR-SULTAN. QazAqparat – Keıbir óńirler mektep salýǵa bólingen bıýdjet qarajatyn nashar ıgerýde. Bul týraly QR Oqý-aǵartý vıtse-mınıstri Ǵanı Beısembaev aıtty, dep habarlaıdy QazAqparat tilshisi.

«2021 jyly josparlanǵan 90 myńnan asa oqýshy ornyna arnalǵan 200 mektepti paıdalanýǵa berý josparlansa, is júzinde 277 mektep salyndy. 163 myńnan asa oqýshy orny ashyldy. Bul jaqsy kórsetkish dep esepteýge bolady. Al osy jylǵa toqtalsam, bıyl 214 538 oqýshy ornyn qamtıtyn 225 mektepti paıdalanýǵa berý josparlanyp otyr», - ol mınıstrliktiń apparat jınalysynda.

Onyń dereginshe, atalǵan maqsatqa osy jyly jergilikti atqarýshy organdarǵa jalpy sıpattaǵy respýblıkalyq transfert esebinen 104 mlrd teńge berildi.

«Birinshi jartyjyldyqtyń qorytyndysynda búgingi kúni ıgerilgen qarjynyń jalpy kólemi 28 paıyzdy quraıdy. Tómen ıgerý Shyǵys Qazaqstan, Qaraǵandy, Qyzylorda oblystarynda oryn alyp otyr», -dedi Ǵanı Beısembaev.


Uqsas jańalyqtar

Jańalyqtar

Úrdis

MURAǴAT