+7 (701) 759 90 19
USD 430.51 EUR 505.72
RUB 5.51 CNY 64.14
Jańalyqtar

Kenjehan Matyjanov: Bala tárbıesine arnalǵan ata-analar kitaphanasyn jasaý qajet

2020 jylǵy 11 qyrkúıek 17:34
Bólisińiz:
Kenjehan Matyjanov: Bala tárbıesine arnalǵan ata-analar kitaphanasyn jasaý qajet

NUR-SULTAN. QazAqparat – Bala tárbıesine arnalǵan ata-analar kitaphanasyn jasaý qajet. Mundaı pikirdi M.Áýezov atyndaǵy Ádebıet jáne óner ınstıtýtynyń dırektory Kenjehan Matyjanov bildirdi, dep habarlaıdy QazAqparat tilshisi.

«Otbasy dep aıta bergennen, otbasy tárbıesin jaqsartaıyq degennen eshteńe shyqpaıdy. Eń aldymen, otbasydaǵy tárbıeniń kontentin kúsheıtýimiz kerek. Máselen, qazir jas analalar balalaryna tárbıe bergisi keledi. Biraq, birde-bir oqý quraly joq. Sondyqtan ata-anaǵa balany qalaı tárbeleý, qalaı tamaqtandyrý, qalaı baǵyp-qaǵý kerek degen máselege arnalǵan Ata-analar kitaphanasyn jasaǵan jón. Sonda ǵana otbasyna azdaǵan bolsyn kómek kórsetemiz. Buǵan qosa, balabaqshalarda kontent te jetisip turǵan joq. Balabaqshada ulttyq tárbıe beretindeı qazaq ertegilerinen bastap, mýltfılmder áli kúnge jetispeıdi. Tárbıeshilerdiń jaǵdaıyn da qarastyrý kerek. Olardyń jalaqysyn eń joǵary deńgeıge kóterýge tıispiz», - dedi ol Otbasy kúni aıasynda ótken dóńgelek ústel otyrysynda.

Onyń dereginshe, Fınlıandııada joǵary oqý oryndaryna túsken kezdegi eń joǵary konkýrs «balabaqsha tárbıeshisi» mamandyǵyna bolady.

«Balanyń mıynyń, jalpy daǵdylarynyń qalyptasýy 3 jasqa deıin júredi. Sol sebepti otbasydaǵy tárbıe erekshe mán berýge turarlyq dúnıe. Eger biz otbasyn jóndep alar bolsaq, onda keleshektegi balabaqshanyń jaǵdaıy da, mekteptiń de jaǵdaıy túzeledi», - Kenjehan Matyjanov.


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT