+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

Kentaý transformator zaýytynyń ónimi álemniń 14 eline eksporttalady

2020 jylǵy 2 maýsym 20:46
Bólisińiz:
Kentaý transformator zaýytynyń ónimi álemniń 14 eline eksporttalady

KENTAÝ. QazAqparat – Elimizdegi iri kásiporyndarynyń biri Kentaý transformator zaýytynda jylyna 28 mlrd teńgeniń ónimi shyǵarylady. Zamanaýı úlgidegi transformatorlar Ázerbaıjan, Aýǵanstan, Reseı, Ózbekstan sekildi birneshe elderge eksporttalýda, dep habarlaıdy QazAqparat tilshisi.

60 jylǵa jýyq tarıhy bar zaýytta óndirilgen ónim kólemi de jyl saıyn artyp keledi. Kásiporynda negizinen elektromehanıka jabdyqtary shyǵarylyp, sapaly ónimniń teń jartysy álemniń 14 eline eksporttalady. Zaýytta 1 200-den astam maman eńbek etedi. Olardyń barlyǵy – qala turǵyndary. Kásiporynda maman tapshylyǵyna jol bermeý úshin kadrlyq qor ázirleý basty nazarǵa alynǵan. Óndiris janynan kásibı kolledj qurylyp, onda daıyn mamandar daıarlanady. Zaýyttyń basqarma tóraǵasy, Túrkistan oblysy kásipkerler palatasynyń óńirlik keńes múshesi Haırýlla Qojabaev kásiporyndy jańa tehnıkamen jaraqtandyrýǵa jáne jańa ónim shyǵarýǵa basymdyq beriletinin aıtady.

«Bizde jumysshylardy áleýmettik qoldaý aıasy keń. Zaýytta otbasyn qurǵan jastarǵa, sábıli bolǵan jas otbasylarǵa jáne áleýmettik jaǵdaıy tómen jandarǵa árdaıym qoldaý kórsetip otyramyz. Ózimizdiń qyzmetkerlerimizge sońǵy 10 jylda 248 úı berildi. Endi bıyl 40 páterli úı salyp jatyrmyz. Ony qyrkúıek aıynda beremiz dep otyrmyz. Odan keıin qosymsha taǵy da 500 oryndyq jataqhana salynýda. Ol bizdiń jas mamandardy qoldaý úshin beriledi», - deıdi Haırolla Qojabaev.

Aıta keteıik, zaýyt ótken jyly «Qazaqstannyń úzdik taýary» baıqaýynda oblys boıynsha «Óndiristik maqsattaǵy úzdik taýarlar» nomınatsııasyn jeńip alǵan bolatyn.


Bizdiń kanalymyzǵa jazylyńyz:

Bólisińiz:

Avtor:

Aıdar Ospanalıev

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janat Qapalbaeva
Janat Qapalbaeva
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT