+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

«Kentaý» ındýstrıaldy aımaǵynda 7 joba iske qosylady

2020 jylǵy 21 aqpan 12:49
Bólisińiz:
«Kentaý» ındýstrıaldy aımaǵynda 7 joba iske qosylady

NUR-SULTAN. QazAqparat - Túrkistan oblysy Kentaý qalasynda ornalasqan «Kentaý» ındýstrıaldy aımaǵynda 2022 jylǵa deıin jalpy quny 1 mlrd. 371,2 mln. teńge bolatyn 7 joba júzege asyrylady, dep habarlaıdy oblystyq ákimdiktiń baspasóz qyzmeti.

Uqsas jańalyqtar
Koronavırýstyń órshýi dollarǵa qalaı áser etti – Ulttyq bank Qazaqstan Belarýs ámbebap taýar bırjasy arqyly eksportty ulǵaıtpaqshy Básekeli ortaǵa 650 mlrd teńge baǵyttadyq – Esimov otandyq óndirýshilerdi qoldaý jaıly

Jospar júzege asqanda 150-den astam jańa jumys orny paıda bolady. Qazirgi tańda onda quny 1,7 mlrd. teńgeni quraıtyn 3 joba jumys istep keledi.

Óńirlik kommýnıkatsııalar qyzmeti uıymdastyrǵan aqparattyq týr aıasynda BAQ ókilderi jumys istep turǵan nysandardy aralap, atqarylyp jatqan sharýalarmen tanysty.

Jýrnalıster bas suqqan birinshi nysan - «Elektroprıvod» JShS-i. Toq jáne kerneý ajyratqyshtary men transformatorlar jabdyqtaryn shyǵarýmen aınalysatyn kásiporyn 2015 jyly iske qosylǵan. Jobanyń quny 842 mln. teńge. Mekemede 45 adam turaqty jumyspen qamtylǵan. Óndiriske qajetti shıkizattar Qytaı elinen alynyp, daıyn ónim Qazaqstannyń barlyq óńirlerine taralýda.


Indýstrıaldy aımaqta ornalasqan «Elektrodetal» JShS-da transformatorlarǵa arnalǵan metall konstrýktsııalaryn shyǵarýmen aınalysyp keledi. Mekeme 2016 jyly qurylǵan. Jobanyń jalpy quny 867 mln. teńge. Kásiporynda 25 adam turaqty jumyspen qamtylǵan. Zaýyt jylyna 35-110-220 kV transformatorǵa arnalǵan 25 dana, 300 dana metall konstrýktsııa shyǵarýǵa qaýqarly.

Sondaı-aq, ındýstrıaldy aımaqta jumys istep turǵan úshinshi joba «Áýezov» JK. Atalǵan mekeme ottegi daıyndaýmen aınalysady. Tseh táýligine 100 dana ballonǵa ottegi toltyrýǵa qaýqarly. Munda arnaıy mamandandyrylǵan 4 adam jumys isteıdi. Kásipker Ermekbaı Áýezov aldaǵy ýaqytta mekemeniń aýqymyn keńeıtýdi josparlap otyrǵanyn aıtty.

«Kásipkerlerdi qoldaýǵa arnalǵan memlekettik baǵdarlamalardyń kómegimen osy isti dóńgeletip otyrmyz. Tómen paıyzben nesıe alyp, qytaıdan qural-jabdyqtar aldyrttyq. Qazirgi tańda daıyn ónimdi dánekerleý isimen aınalysatyn kásiporyndarǵa, aýrýhanalarǵa jetkizýdemiz. Buǵan deıin mundaı arnaıy daıyndalǵan ottegini Shymkentten tasymaldap kelgen azamattar qazir bizden kelip alyp jatyr», – dedi E.Áýezov.


Aıta keteıik, jalpy óńirimizdiń aýdan, qalalarynda 9 ındýstrıaldy aımaq bar. Onyń 7-eýi jumys istep tursa, qalǵan 2-eýi jaqyn kúnderi iske qosylady. «Túrkistan ındýstrıaldy aımaqtaryn basqarý kompanııasy» JShS qatysýymen osy ýaqytqa deıin quny 30 mlrd. teńgeni quraıtyn 31 ınvestıtsııalyq joba iske qosyldy, olar 770 jumys ornyn qurýǵa yqpal etti.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT