+7 (701) 759 90 19
USD 384.97 EUR 427.12
RUB 6.04 CNY 54.75
Jańalyqtar

Keń ǵımarat suraǵan múgedekter qaýymdastyǵynyń músheleri Almaty ákimdigine jınaldy

2019 jylǵy 22 qarasha 14:37
Bólisińiz:
Keń ǵımarat suraǵan múgedekter qaýymdastyǵynyń músheleri Almaty ákimdigine jınaldy

ALMATY. QazAqparat – Almatyda múmkindigi shekteýli adamdar qurǵan «ERZI» qaýymdastyǵynyń músheleri ákimdik mańyna jınalyp, qala basshylyǵynan keń ǵımarat tabýǵa kómektesýin surady, dep habarlaıdy QazAqparat tilshisi.

«Biz álemýettik salanyń máselelerin sheshýmen aınalysamyz. «ERZI» uıymy – tirek-qımyl júıesi isten shyqqan múmkindigi shekteýli adamdardy memlekettik tapsyrys aıasynda tegin ońaltýmen aınalysatyn jalǵyz uıym. 60-qa jýyq erikti jumys jasaıdy. Bizdiń uıymǵa keń ǵımarat kerek. Qazir otyrǵan bólmemizdiń keńdigi 110-115 sharshy metr ǵana. Bul bizdiń múmkindigimizdi tolyq paıdalanýǵa kedergi keltiredi», - dedi ÚEU jetekshisi Erbol Igembergenov.

Onyń aıtýynsha, ońaltý ortalyǵynyń keńsesi Jeltoqsan, 110 mekenjaıynda ornalasqan. Ǵımarattyń qalǵan qabattary bos tur.

Ákimdik birneshe jyldan beri sol bos bólmelerdi uıymǵa senimdi basqarýǵa beretinine ýáde berip kelgen.

«Biz óz qarjymyzǵa jylý júıesin ornattyq. Qubyrdy aýystyrdyq. Buǵan kóp qarajat jumsaldy», - dedi Erbol Igembergenov.

ÚEU ókilderimen qalalyq Áleýmettik ál-aýqat basqarmasy basshysynyń orynbasary Aınur Muqajanova kezdesti. Ol bul másele jaqyn arada sheshimin tabatynyna sendirdi.

«Bıýdjettik kodekske sáıkes, úkimettik emes uıymdardyń ǵımaratyna bıýdjetten qarajat bólinbeıdi. Biraq, qazir máseleniń sheshimin izdestirip jatyrmyz, kelissózder júrgizilýde», - dedi Aınur Muqajanova.

«ERZI» múmkindigi shekteýli adamdar qaýymdastyǵy 2015 jyly qurylǵan.

Bizdiń kanalymyzǵa jazylyńyz:

Bólisińiz:

Avtor:

Gúlmıra Ǵosmanálı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT