+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

Kemel oıdyń kemeńgeri: Atyraýda Ábish Kekilbaevty eske alý keshi ótti

2019 jylǵy 16 qarasha 16:06
Bólisińiz:
Kemel oıdyń kemeńgeri: Atyraýda Ábish Kekilbaevty eske alý keshi ótti

ATYRAÝ. QazAqparat - Atyraýda kórnekti qoǵam qaıratkeri, Qazaqstannyń Eńbek Eri, Halyq jazýshysy, memlekettik syılyqtyń laýreaty Ábish Kekilbaevtyń 80 jyldyǵyna arnalǵan «Kemel oıdyń kemeńgeri» atty eske alý keshi ótti, dep habarlaıdy QazAqpara tilshisi.

Uqsas jańalyqtar
Elordada Ábish Kekilbaıulynyń 80 jyldyǵyna oraı konferentsııa ótip jatyr Ábish Kekilbaıulynyń mereıtoıy týǵan jerinde atalyp ótti Serikbaı Trumov: Ábish Kekilbaıuly Mańǵystaýdyń ár tasyn, ár tóbesin qadirleıtin

Saltanatty sharaǵa Atyraý oblysynyń ákimi Nurlan Noǵaev, jazýshynyń jubaıy Klara Qalekenqyzy jáne Mereke Qulkenov, Svetqalı Nurjan, Ánes Saraı sekildi respýblıkaǵa belgili qalamgerler qatysty.



Keshte Ábish Kekilbaıulynyń ómirbaıany týraly beınefılm kórsetilip, ol Mahambet atyndaǵy akademııalyq qazaq drama teatrynyń kórkemdik qoıylymyna ulasty. Tereń pálsapalyq qoıylymda Ábishtiń ákesimen áńgimelesýi, óz týyndylarynyń keıipkerleri Ábilhaıyr men Mahambetpen syrlasýy, ustazy Áýezovty eske alýy, úzeńgilesi, dosy, syrlasy Farıza aqynmen dıdarlasýy sekildi jazýshy ómiriniń mańyzdy tustary kórermenge pash etildi.



«Árkimniń óz Ábishi bar. Bireý ony aqyn dep baǵalaıdy, bireý ony jazýshy dep tanıdy, endi birimiz úshin ol - abyz. Ábishtiń ulylyǵy da osy. Biz áli kúnge deıin Ábish aǵamyzdyń barlyq qyryn tanyp bolǵan joqpyz. Tanyǵan qyrlarymyzdyń ózin áli de zertteı túsý kerek. Búgingi urpaqtyń da, keler urpaqtyń da mindeti - osy dep bilem», - dedi aımaq basshysy óz quttyqtaý sózinde.


Kesh barysynda Qazaqstannyń eńbek sińirgen qaıratkeri Turar Álimbaev jazýshyǵa arnaǵan «Ábish-taǵan» kúıin oryndady. Sonymen birge, Ábish Kekilbaevtyń sózine jazylǵan Esenbaı Qulıevtiń «Dáýren kóshken» áni, Tamara Asardyń oryndaýynda «Arman deıtin arǵymaq» áni shyrqaldy.

Kesh barysynda Ábish Kekilbaıulynyń zamandastary, úzeńgiles dostary, belgili qoǵam jáne óner qaıratkerleri sóz sóılep, onyń qalamgerlik qasıeti, aqyndyq adýyny, azamattyq asqaqtyǵy, qaıratkerlik qarymy men eldik erendigi týraly jınalǵan jurtshylyqqa baıan etti.


Kesh sońynda Ábish Kekilbaıulynyń jubaıy Klara Qalekenqyzy sóz alyp, «aqynym dep ardaqtaǵan, jazýshym dep jar salǵan, qaıratkerim dep qasıet tutqan, erim dep emirengen» Atyraý jurtshylyǵyna alǵysyn aıtyp, osy sharanyń ótýine qoldaý bildirgen Atyraý oblysy ákimi Nurlan Noǵaevqa rızashylyǵyn bildirdi.





Bizdiń kanalymyzǵa jazylyńyz:

Basty sózder: Atyraý oblysy, Mádenıet, Ádebıet,
Bólisińiz:

Avtor:

Abaı Abylaıuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT