FÝTBOLDAN ÁLEM ChEMPIONATY-2022
  Jańalyqtar  >
  Almaty

Kelesi jyly Almatyda 575 «Sergek» kamerasy ornatylady

2022 jylǵy 30 qyrkúıek, 21:08
Kelesi jyly Almatyda 575 «Sergek» kamerasy ornatylady

ALMATY. QazAqparat - Almatyda qala turǵyndary men aýdan ákimdikteriniń suranysy boıynsha 2023 jyly «Sergek» beınekameralarynyń sanyn 575-ke ulǵaıtý josparlandy. Bul týraly máslıhat sessııasynda qalalyq Tsıfrlandyrý basqarmasynyń basshysy Baıan Qońyrbaev málim etti, dep habarlaıdy QazAqparat tilshisi.

Spıkerdiń aıtýynsha, 2023 jyly Almatyda 575 «Sergek» apparattyq-baǵdarlamalyq kesheni (ABK) iske qosylady, onyń ishinde aqpan aıynda – 100 ABK, naýryz aıynda – 150 ABK.

«Bul bastama Almaty qalasynyń joldaryndaǵy ólim-jitimdi 30% qosymsha tómendetýge jáne jergilikti bıýdjetke aıyppul retinde 16,2 mlrd teńge jınaýǵa múmkindik beredi. Jalpy, búgingi kúni Almatyda memlekettik-jekeshelik áriptestik sharty asynda 766 «Sergek« kesheni jumys istep tur. Onyń ishinde jelilik ýchaskelerde – 383, qıylystarda – 383», - dedi Baıan Qońyrbaev.

Ol sondaı-aq Almatyda «Sergek» beınekameralary iske qosylǵaly beri joldaǵy ólim-jitim 48%, jol apattary 29%, jaraqat alǵandar sany 30% azaıǵanyn aıtty.

«32 aı ishinde qala bıýdjetine 17,5 mlrd teńge tústi. Sondaı-aq jeke serikteske 2,6 mlrd teńge tólendi. «Sergek» kesheni sanyn arttyrý apattar kóp bolatyn men krımınogendi ýchaskelerdi tolyq baqylaýǵa, jol men qoǵam qaýipsizdigin jaqsartýǵa múmkindik beredi», - dedi spıker.


Tegı:
Almaty   Kólik   Aımaq  
Uqsas jańalyqtar
Seriktester jańalyqtary

Jańalyqtar