Keler jyly 37 myńnan asa bozbala áskerge shaqyrylýy múmkin

2022 jylǵy 28 qarasha, 13:05
Keler jyly 37 myńnan asa bozbala áskerge shaqyrylýy múmkin

ASTANA. QazAqparat – Keler jyly kóktem jáne kúz mezgilderinde 37 056 er azamatty áskerge shaqyrý josparlanyp otyr. Bul týraly ashyq talqyǵa shyǵarylǵan Úkimet qaýlysynda jazylǵan, dep habarlaıdy QazAqparat tilshisi.

«Oblystardyń, Astana, Almaty jáne Shymkent qalalarynyń ákimderi zańnamada belgilengen tártippen áskerge shaqyrýdy keıinge qaldyrýǵa nemese odan bosatylýǵa quqyǵy joq 18 jastan 27 jasqa deıingi sany 37 056 er azamatty 2023 jyldyń naýryz-maýsymynda jáne qyrkúıek-jeltoqsanynda áskerge shaqyrýdy júrgizýdi qamtamasyz etcin. QR zańnamasyna sáıkes áskerge shaqyrý pýnktteri medıtsınalyq qamtamasyz etýdi uıymdastyrsyn», - dep kórsetilgen qujatta.

Qaýlyda jazylǵandaı, Іshki ister mınıstrligi áskerge shaqyrylýshylardy jınaý jáne áskerlerge jóneltý oryndarynda tártip saqshylarynyń kúsheıtilgen kezekshiligin uıymdastyrady. Merzimdi áskerı qyzmetke shaqyrylǵan azamattardy tasymaldaý jáne olardyń ózge de shyǵystary respýblıkalyq bıýdjet esebinen óteledi.

Qaýlyny ashyq talqylaý 7 jeltoqsanǵa deıin jalǵasady.


Uqsas jańalyqtar
Seriktester jańalyqtary

Jańalyqtar