+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

«Kedergilerdi jeńý» derekti fılmi Qazan halyqaralyq festıvalinde kórsetiledi

2020 jylǵy 8 shilde 00:50
Bólisińiz:
«Kedergilerdi jeńý» derekti fılmi Qazan halyqaralyq festıvalinde kórsetiledi

NUR-SULTAN. QazAqparat - «Kedergilerdi jeńý» derekti fılmi XVI Qazan halyqaralyq musylman kınosy festıvaliniń konkýrstyq baǵdarlamasyna engizildi. Kartınanyń rejısseri – Baný Ramazanova, dep habarlaıdy QazAqparat «Qazaqfılmniń» baspasóz qyzmetine silteme jasap.

QR Mádenıet jáne sport mınıstrliginiń tapysyrysymen «Qazaqfılm» kınostýdııasynda túsirilgen derektiń fılmniń jelisi 1952 jyly Jambyl mańyndaǵy Lýgovoı jylqy zaýytynda týǵan Sovet zamanyndaǵy jylqy sportynyń ańyzy bolǵan «Absent» aqaltekesi týraly jáne táýelsiz Qazaqstandaǵy konkýrdyń jaǵdaıyn baıandaıdy.

XVI Qazan Halyqaralyq musylman kınosy festıvali bıyl tehnıkalyq tártipte ótetindikten kórermender úshin jabyq bolady. Mundaı sheshimdi festıvaldiń quryltaıshylary men uıymdastyrýshylary koronavırýs ınfektsııasy taralmas úshin qabyldady.

Aıta ketý kerek, uıymdastyrý komıteti 63 elden 629 fılm tirkedi. Kınotanýshy Sergeı Anashkınniń tóraǵalyǵymen irikteý komıssııasy 52 fılmnen turatyn qysqa tizimge konkýrs jasaldy. Qazaqstandyq fılm baq synaıtyn «Tolyqmetrajdy derekti fılmder» baıqaýynda Úndistannan, Tájikstannan, Germanııadan, Shveıtsarııadan, Reseıden jáne basqa elderden 10 fılm usynyldy.

Jeńimpazdardyń tizimi qyrkúıektiń basynda festıvaldiń resmı saıtynda jarııalanady.

Esterińizge sala ketsek, «Kedergilerdi jeńý» derekti fılminiń festıval tarıhy Túrkııada bastaldy. 2020 jyldyń mamyr aıynyń sońynda fılm Anatolia International Film Festival basty baıqaýyna qatysty.

Tamyz aıynda atalmysh fılm taǵy eki festıvalde baq synaıdy. 1-7 tamyz aralyǵynda Grekııada ótetin 7-shi Ieraptera halyqaralyq derekti fılmder festıvaliniń negizgi konkýrstyq baǵdarlamasyna jáne 23-30 tamyz aralyǵynda Docs Without Borders Film Festival kınofestıvaliniń negizigi konkýrsyna qatysady.

Bizdiń kanalymyzǵa jazylyńyz:

#Mádenıet   #Óner   #Reseı  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Úmbet Sholpan
Úmbet Sholpan
954-059

MURAǴAT