Qazyǵurttyń tasqyn sýdan zardap shekken ár turǵynyna 100 myń teńgeden beriledi
2022 jylǵy 30 sáýir 22:25

Qazyǵurttyń tasqyn sýdan zardap shekken ár turǵynyna 100 myń teńgeden beriledi

TÚRKІSTAN. QazAqparat-Qazyǵurt aýdanyndaǵy nóser saldarynan zardap shekken turǵyndarǵa qarjylaı kómek kórsetile bastady.

«Qyzyl jarty aı» qoǵamy 104,6 mln. teńge bólip, sý kirgen úılerdegi 1046 adamnyń ár birine (173 otbasy bar) 100 myń teńge kóleminde aqshalaı kómek beredi, dep habarlaıdy QazAqparat tilshisi.

Shyǵyndardy óteý úshin oblystyq bıýdjetten de qoldaý kórsetiledi. Komıssııa tarapynan mal basy naqtylanyp, ǵımarattar men úıler, qosymsha qurylys quny eseptelip jatyr. Ókinishke qaraı, keı nysandardyń qujaty joq. Degenmen, olar da zerdeleýden ótýde. Jańa týǵan tórt túlikke de ótemaqy berý jaǵy qarastyrylmaq.

Búgin oblys ákimi Ómirzaq Shókeev Qazyǵurt aýdanyna baryp, qalpyna keltirý jumystarymen tanysty. Turǵyndardyń talap-tilegi men ótinishterin tyńdady.

«Memleket basshysy Qasym-Jomart Toqaevtyń tapsyrmasymen, oblystyq komıssııa qurylyp, jumys istep jatyr. Eshbir turǵyn kómeksiz qalmaıdy. Úı janýarlarynyń shyǵynyna erejege sáıkes ótemaqy tólenip, turǵyn úıler qalpyna keltiriledi. Sharýashylyq ǵımarattardy jóndeýge kómek kórsetiledi. Bunyń bári qatań baqylaýda tur. Ózderińiz biletindeı, sý tasqyny bolǵan aýyldarda tótenshe jaǵdaı departamenti, jergilikti ákimdikterdiń qyzmetkerleri, eriktiler jumys istep jatyr. Ár nysan tolyq qalpyna keltiriledi», – dedi Ómirzaq Shókeev.

Aıta keteıik, bir apta buryn Túrkistan oblysynyń Qazyǵurt, Saryaǵash aýdandarynda jaýyn-shashyn mólsherden artyq jaýsa, Kentaý qalasynda qatty jel soǵyp, tabıǵı apat boldy. Sonyń saldarynan 50 adam qaýipsiz aımaqqa kóshirildi . Aldyn ala eseppen, 53 úıdiń aýlasyna, 19 úıge, 1 meıramhana men 16 ǵımaratqa sý kirgeni anyqtaldy. Sonymen qatar 370 bas mal shyǵyny tirkeldi.

Uqsas jańalyqtar
Seriktester jańalyqtary

Jańalyqtar

Úrdis

MURAǴAT