Qazyǵurt aýdanynda ShOB sany 9 myńnan asty

QAZYǴURT. QazAqparat - Túrkistan oblysy Qazyǵurt aýdanynda shaǵyn jáne orta bıznes salasy qarqyndy damyp keledi. Bıyl jalpy 65 shaǵyn jobany iske asyrý josparlanýda. Bul 300-ge tarta jergilikti halyqtyń jańa jumys oryndarymen qamtylýyna múmkindik beredi.

Uqsas jańalyqtar

Almatynyń kınoteatrlary sáýir aıynda «Ashyq» pılottyq jobasyna qosylýy múmkin

Almaty kásipkerleri Ashyq jobasyna qalaı ótinish bere alady «ASHYQ» qosymshasyn 125 myń qoldanýshy telefonyna júktegen Business Integrity Forum: pandemııadan keıingi álemdegi kásipkerliktiń damýy

Al, 2020 jyldyń qorytyndysy boıynsha aýdanda 240 jańa jumys ornyn quraıtyn 62 joba júzege asyrylǵan. Osylaısha aýdanda shaǵyn jáne orta bıznes 9 166-dan asqan.

Aýdanda shaǵyn jáne orta kásipkerlik salasyn damytý maqsatynda qarjy uıymdary arqyly ótken jyly 4 635 tulǵaǵa 4 mlrd 554,3 mln. teńge nesıe berilgen. Negizgi basym baǵyttar – aýyl sharýashylyǵy salasy boıynsha. Sondaı-aq, «Qarapaıym zattar ekonomıkasy» jeńildetilgen nesıelendirý baǵdarlamasy arqyly jalpy quny 861,2 mln. teńgelik 34 joba usynylyp, onyń ishinde 22 joba 565,2 mln. teńgege qarjylandyrylǵan. Qalǵan jobalardyń qujattary rásimdelýde.

Kásipkerlikke bet burǵan azamattar karantınge baılanysty «Eńbek» memlekettik baǵdarlamasy» aıasynda «Atameken» kásipkerler palatasynyń Qazyǵurt aýdandyq fılıaly arqyly onlaın negizde dáris alǵan. «Bastaý bıznes» jobasymen 273 turǵynǵa qaıtarymsyz 555 600 teńge grant berilgen.