+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

QazUÝ qarjy salasynda bilim berýdi damytqany úshin halyqaralyq marapatqa ıe boldy

2020 jylǵy 16 qyrkúıek 10:29
Bólisińiz:
QazUÝ qarjy salasynda bilim berýdi damytqany úshin halyqaralyq marapatqa ıe boldy

NUR-SULTAN. QazAqparat - Ál-Farabı atyndaǵy Qazaq ulttyq ýnıversıteti ıslam qarjysy salasyndaǵy bilim berýdi damytýǵa qosqan úlesi men jetistikteri úshin «Global Islamic Finance Awards 2020» (GIFA) bedeldi halyqaralyq marapatyna ıe boldy, dep habarlaıdy QazAqparat.

Uqsas jańalyqtar
Elorda mektepteri úshin 26 myń kompıýter satyp alynady Petropavlda nurotandyqtar stýdentter jataqhanalarynyń jaǵdaıymen tanysty Qashyqtan oqytý: Oraldaǵy Nazarbaev zııatkerlik mektebinde jańa joba qolǵa alyndy

Jetekshi qazaqstandyq joǵary oqý orny «Best Emerging Islamic Finance Education Provider» («Islamdyq qarjylandyrý boıynsha bilim berý qyzmetteriniń úzdik damýshy provaıderi») nomınatsııasynda úzdik atandy. Marapatty tapsyrý rásimi Islamabad qalasynda (Pákistan) ótti.

GIFA – ıslam qarjysy salasynda úlken jetistikterge jetken úkimetterge, mekemelerge jáne jeke tulǵalarǵa beriletin mártebe belgisi ári álemdegi eń bedeldi marapattardyń biri. Olardyń qatarynda memleket basshylary, belgili memleket qaıratkerleri men ǵalymdar bar.

GIFA-2020 bedeldi marapatyn tabystaý – bul halyqaralyq qoǵamdastyqtyń ál-Farabı atyndaǵy Qazaq ulttyq ýnıversıteti tarapynan qabyldanǵan ıslamdyq qarjylandyrýdy damytý jáne taratý bastamalaryn moıyndaý belgisi.

Qazaqstan postkeńestik keńistikte alǵash bolyp ıslamdyq qarjylandyrýdy damytýdy, ıslam bankterin qurýdy jáne olardyń qyzmetiniń zańnamasyn qamtamasyz etýdi qolǵa alǵan. Elbasy N.Nazarbaevtyń bastamasymen Astana halyqaralyq qarjy ortalyǵy (AHQO) qurylyp, tabysty jumys isteýde. Bolashaqta ol EAEO jáne Ortalyq Azııa óńirindegi ıslamdyq qarjy habyna aınalýǵa tıis.

QazUÝ jetekshi sheteldik joǵary oqý oryndarymen jáne AHQO-men yntymaqtasa otyryp, jańa tehnıka jáne zamanaýı baǵdarlamamen jabdyqtalǵan biregeı ıslam qarjylyq ǵylymı-bilim berý ortalyǵyn ashty. Ol ıslam bankıngi jáne qarjy salasynyń joǵary bilikti mamandaryn daıarlaý bazasyna aınaldy. Munda bırjalyq treıdıng daǵdylaryna, irgeli jáne tehnıkalyq taldaý, qarjylyq ınjenerııa negizderine oqytý júrgiziledi. Islamdyq bankıng jáne qarjylandyrý sektory halyqaralyq deńgeıde tanymal, barynsha tartymdy bolyp tabylady, al is bul tıisti kadrlardy qamtamasyz etýdi talap etedi. QazUÝ-da postkeńestik keńistikte alǵash ret «Islam qarjysy» bilim berý traektorııasy boıynsha magıstrler men PhD doktorlaryn daıarlaý bastaldy.

Qazaqstandyq joǵary oqý orny halyqaralyq standarttarǵa saı ozyq tájirıbe men bilim berý baǵdarlamalaryn, bızneske adamgershilik jáne etıkalyq kózqaras pen aıqyn áleýmettik baǵyttaǵy ıslamdyq qarjy quraldarynyń álemdik úzdik tájirıbelerin qoldanýdy belsendi túrde engizýde. Sheteldik áriptestermen birlesip qarjylandyrý máseleleri boıynsha halyqaralyq sertıfıkattaýǵa arnalǵan halyqaralyq semınarlar, trenıngter men zertteýler, mamandandyrylǵan kýrstar ótkizilýde.

QazUÝ-dyń ıslamdyq qarjylandyrý jáne bankıng salasyndaǵy belsendi ǵylymı-bilim berý qyzmeti táýelsiz Qazaqstannyń jańa ekonomıkasynyń damýyna qomaqty úles qosýda.


Bizdiń kanalymyzǵa jazylyńyz:

#Bilim   #JOO-lar   #Qarjy  
Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Úmbet Sholpan
Úmbet Sholpan
954-059

MURAǴAT