«Qaztransgaz» vertıkaldy ıntegratsııalanǵan ulttyq kompanııaǵa aınalady – Memleket basshysy
2021 jylǵy 30 qyrkúıek 15:05

«Qaztransgaz» vertıkaldy ıntegratsııalanǵan ulttyq kompanııaǵa aınalady – Memleket basshysy

NUR-SULTAN. QazAqparat – QR Prezıdenti Qasym-Jomart Toqaev Qazaqstan men Reseıdiń XVII óńiraralyq yntymaqtastyq forýmynda «Qaztransgaz» komapııasyn reseılik «Gazprom» úlgisimen damytý múmkindigi týraly pikir bildirdi, dep habarlaıdy QazAqparat tilshisi.

«Gazdy taza otyn retinde paıdalaný erekshe nazar aýdarýǵa turady. Gaz salasynyń ınvestıtsııalyq tartymdylyǵyn arttyrý úshin bizdiń elimizde birqatar júıeli sharalar qabyldanýda, gazǵa baǵa belgileýdiń jańa naryqtyq tásilderi aıqyndaldy. Bul gaz jobalaryna salymdardy tıimdirek etedi», - dedi Qasym-Jomart Toqaev Qazaqstan men Reseıdiń XVII aımaqaralyq yntymaqtastyq forýmynda.

«Biz «Qaztransgazdy» reseılik «Gazprom» sııaqty transformatsııalaý týraly sheshim qabyldadyq. Kompanııa tolyqqandy vertıkaldy ıntegratsııalanǵan ulttyq gaz kompanııasy bolady. Gazdyń resýrstyq bazasyn ulǵaıtý úshin Reseımen birlesken iri jobalardy – Hvalynskaıa jáne Imashınskaıa jobalaryn ýaqtyly júzege asyrýdyń mańyzy zor. «Gazprommen» kommertsııalyq máselelerdi tez arada sheshýge kelýdiń mańyzy zor, bul atalǵan jobalardy iske asyrýdy jedeldetedi», - dedi Memleket basshysy.

«Balamaly energııa óndirisiniń taǵy bir perspektıvaly baǵyty atom jáne sýtegi energetıkasy bolyp tabylady. Úkimet Qazaqstanda qaýipsiz atom energetıkasyn damytý jáne energetıkanyń múldem jańa túri – sýtekti energetıkany iske qosý múmkindikterin zerdeleýde», - dep túıindedi Prezıdent.

Aıta keteıik, Prezıdent Qasym-Jomart Toqaev sharaǵa onlaın formatta qatysty .


Jańalyqtar

MURAǴAT