+7 (701) 759 90 19
USD 425.02 EUR 498.17
RUB 5.85 CNY 65.85
Jańalyqtar

QazTransGaz sheteldik BAQ-tyń Qazaqstanda qubyrdan metan aǵyp ketti degen aqparatyn joqqa shyǵardy

2021 jylǵy 3 tamyz 14:03
Bólisińiz:
QazTransGaz sheteldik BAQ-tyń Qazaqstanda qubyrdan metan aǵyp ketti degen aqparatyn joqqa shyǵardy

NUR-SULTAN. QazAqparat - «QazTransGaz» kompanııasy Almaty oblysyndaǵy gaz qubyrynan metannyń aǵyp ketýi týraly boljam jasalǵan sheteldik BAQ-tarda shyqqan aqparatty joqqa shyǵardy, dep habarlaıdy QazAqparat gaz jáne gazben jabdyqtaý salasyndaǵy ulttyq operatordyń baspasóz qyzmetine silteme jasap.

Uqsas jańalyqtar
Almaty oblysyndaǵy monıtorıngtik toptar 87 mln teńgege aıyppul saldy Almaty oblysynda bıyl 1 mln tonnadan astam dándi daqyl jınaý josparlanyp otyr Ótken táýlikte Almaty oblysynda 254 adam KVI juqtyrdy

Kompanııanyń málimdeýinshe, birqatar sheteldik BAQ Eýropalyq ǵarysh agenttiginiń Sentinel-5P spýtnıginiń sýreti men derekterin taldaýǵa silteme jasaı otyryp, kúmándi aqparat taratqan. Onda 2021 jyldyń 24 shildesinde Almaty oblysyndaǵy gaz qubyrynan metannyń aǵyp ketýi týraly boljam jasalǵan. Habarlamada Kayrros SAS geoanalıtıkalyq kompanııasynyń málimetteri keltirilgen, ol «shyǵaryndylar deńgeıi saǵatyna 200 tonna metandy qurady» dep málimdelgen.

«Osyǵan baılanysty «QazTransGaz» AQ jarııalanymdarda keltirilgen derekter shyndyqqa sáıkes kelmeıdi dep málimdeıdi. «QazTransGaz» AQ óz obektilerinde qaýipsizdikti, sonyń ishinde ekologııalyq qaýipsizdikti qamtamasyz etýge úlken kóńil bóledi. Aqparat quraldarynda jarııalaǵan 10 mıllıon tekshe fýt nemese 300 myń tekshe metr kólemindegi gazdyń aǵyp ketýi týraly málimetter shyndyqqa janaspaıdy jáne kompanııanyń táýlik boıy jumys isteıtin qaýipsizdikti baqylaý júıesiniń nazarynan tys qalýy múmkin emes.

«Azııalyq gaz qubyry» JShS (budan ári – «AGQ» JShS), sondaı-aq «Buhara gazdy aýdany – Tashkent-Bishkek-Almaty» magıstraldyq gaz qubyrynda jáne Almaty oblysynyń gaz taratý júıelerinde atalǵan kúni (2021 jylǵy 24 shildede) tabıǵı gazdyń aýaǵa taralýy bolǵan joq», delingen habarlamada.

Ulttyq operatordyń málimdeýinshe, atalǵan koordınattarda «AGQ» JShS-nyń «Qazaqstan-Qytaı» MGQ KS-6 ornalasqan. Osy «AGQ» JShS-nyń kompressorlyq stansasynda 2021 jyldyń 24 shildesinde atmosferaǵa 16,7 myń tekshe metr nemese 0,5 mln tekshe fýt kóleminde gaz aıdaıtyn jabdyqtarǵa qyzmet kórsetý boıynsha josparly jumystar júrgizilgen. Barlyq rastaıtyn qujattar men aktiler bar.

Bul shyǵaryndylar Almaty oblysy boıynsha 2021 jylǵa arnalǵan «AGQ» JShS-nyń shyǵaryndylar kvotasyna kiredi.

«Gazdy qaýipsiz tasymaldaý úshin gaz qubyrlarynyń tutastyǵyna turaqty monıtorıng júzege asyrylady. Qural-jabdyqtar men qurylystardyń yqtımal zaqymdanýynyń aldyn alý jáne anyqtaý boıynsha jumystar júrgizilýde. Osy maqsattar úshin magıstraldyq gaz qubyrlary boıynsha trassalardy aınalyp ushý jáne aınalyp ótý, al taratý jelileri boıynsha «DLS-PERGAM» gaz analızatoryn paıdalana otyryp tekserý júrgiziledi», delingen habarlamada.


Bizdiń kanalymyzǵa jazylyńyz:

Bólisińiz:
Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT