+7 (701) 759 90 19
USD 421.58 EUR 496.83
RUB 5.53 CNY 62.2
Jańalyqtar

«Qazposhtany» satyp alýǵa nıetti ınvestorǵa qoıylatyn negizgi talaptar jarııalandy

2020 jylǵy 17 maýsym 15:49
Bólisińiz:
«Qazposhtany» satyp alýǵa nıetti ınvestorǵa qoıylatyn negizgi talaptar jarııalandy

NUR-SULTAN. QazAqparat –«Qazposhta» kompanııasy kimge satylady? Bul suraq «Samuryq-Qazyna» UÁQ» AQ aktıvterdi basqarý jáne jekeshelendirý jónindegi dırektsııa basshysy Almasadam Satqalıevqa qoıyldy, dep habarlaıdy QazAqparat tilshisi.

«Qazposhta – qordyń portfelindegi óte mańyzdy aktıv. Onyń jekeshelendirilýine de basa mańyz beretinimiz túsinikti. Naqtyraq aıtqanda «Qazposhtany» satý kezindegi strategııalyq baǵyt-baǵdardy aıqyndap alý úshin biz keńesshi retinde «KPMJ» halyqaralyq kompanııasyn tarttyq. Ol «Qazposhtany» jekeshelendirý kezinde mynadaı keńesti ustanýdy usynyp otyr», - dedi Almasadam Satqalıev tikeleı efırde ótip jatqan baspasóz máslıhatynda.

Halyqaralyq kompanııa ІRO bıznesiniń aýqymyn eskere otyryp, strategııalyq ınvestordy tartýǵa keńes bergen. ıAǵnı ınvestor bıznestiń salalyq profıline, logıstıkalyq jumysyna ınvestıtsııa salýǵa kepildik berýi tıis. Sonymen qatar ınvestor «Qazposhtaǵa» memlekettik baǵdarlamalar aıasynda júkteletin Úkimettiń mindettemelerin tolyq oryndaýy shart.

«Biz naryqtyń áleýetti qatysýshylarynyń «Qazposhtaǵa» qyzyǵýshylyǵy bolýy múmkin ekenin bilip otyrmyz. Keńesshi kompanııa «Qazposhta» jekeshelendiriletin kezde ІRO-ǵa qatysýy múmkin kompanııalardyń tizimin bizge usyndy. Bul tizimde Reseıden de, basqa memleketterden de kompanııalar bar. Olardyń bárine «Qazposhtany» jekeshelendiretin áleýetti kompanııa retinde qarap otyrmyz. Qandaı da bir memleketke qatysty aıqyn baǵyt-baǵdarymyz joq. Jaqsy jaǵdaı jasap, talaptarǵa saı keletin bolsa – komıssııa sheshimimen kompanııanyń biri áleýetti benefetsıar retinde qarastyrylady. Demek naqty myna bir ınvestorǵa satylady deıtindeı áńgime joq», - dedi ol.

Eske sala ketsek, Almasadam Satqalıev buǵan deıin 2021 jyly jekeshelendiriletin iri aktıvterdiń ishinde tek «Qazposhta» pen «Samuryq energo» baryn málim etken edi. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompanııasy 2023 jyly Qazaqstan temir joly jekeshelendiriletinin málim etken bolatyn.

Sonymen qatar Almasadam Satqalıev «Samuryq-Qazyna» aktıvterin dál bıyl jekeshelendirýdiń aıtarlyqtaı qaýpi baryn aıtqan edi.



Bizdiń kanalymyzǵa jazylyńyz:

Bólisińiz:

Avtor:

Aıan Bekenuly

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT