FÝTBOLDAN ÁLEM ChEMPIONATY-2022

Qaznetke birneshe kún boıy tolassyz kıbershabýyl jasalyp jatyr

2022 jylǵy 29 qyrkúıek, 13:55
Qaznetke birneshe kún boıy tolassyz kıbershabýyl jasalyp jatyr

ASTANA. QazAqparat – «Memlekettik tehnıkalyq qyzmet» AQ Qaznetke búgin taǵy kıbershabýyl jasalǵanyn jarııa etti, dep habarlaıdy QazAqparat tilshisi.

«Memlekettik tehnıkalyq qyzmet» búgin tańerteń Qaznetke aýqymdy kıbershabýyldyń taǵy da tirkelgenin habarlaıdy. Mundaı jaıt elimizdiń barlyq óńirindegi ınternetke qosylý jumysyna keri áserin tıgizedi. Qazirgi ýaqytta «Memlekettik tehnıkalyq qyzmet» AQ tehnıkalyq mamandary qaýip-qaterdi joıý jumystaryn júrgizip jatyr», - delingen atalǵan qyzmettiń Іnstagram paraqshasynda jarııalanǵan aqparatta.

Eske sala keteıik, ınternettiń qazaqstandyq bóligine birneshe kúnnen beri kıbershabýyl jasalyp jatyr.

Maqsatty kıbershabýyldar eldiń memlekettik organdaryna da, Qaznet ınfraqurylymyna da baǵyttalǵan.

Onyń saldarynan ınternetke qosylýda kidiris oryn bolyp jatyr. «MTQ» AQ uzaqmerzimdi kıbershabýyldar elde jáne álemde bolyp jatqan qoǵamdyq oqıǵalarǵa baılanysty dep boljaıdy.

QazAqparat buǵan deıin kompanııanyń baılanys operatorlarymen birlesip, júıeni ońtaılandyrý baǵytynda tehnıkalyq jumystar júrgizip jatqanyn habarlaǵan.


Seriktester jańalyqtary

Jańalyqtar