QazMunaıGaz ulttyq kompanııasynda birqatar aýys-túıis boldy
2022 jylǵy 20 mamyr 20:11

QazMunaıGaz ulttyq kompanııasynda birqatar aýys-túıis boldy

NUR-SULTAN. QazAqparat - «QazMunaıGaz» ulttyq kompanııasy basqarma tóraǵasynyń jańa orynbasarlary jáne «QazMunaıGaz-Aero» JShS bas dırektory taǵaıyndaldy, dep habarlaıdy QazAqparat.

«QazMunaıGaz» UK AQ basqarma tóraǵasynyń munaı óńdeý jáne munaı hımııasy jónindegi orynbasary qyzmetine Arman Qurmetuly Qaıyrdenov keldi. Ol munaı óńdeý, munaı óńdeý zaýyttarynyń jumysy jáne munaı hımııasyn damytý máselelerine jetekshilik etedi.

A.Qaıyrdenov Qazaq hımııa-tehnologııa ınstıtýtyn «Kómirtek materıaldarynyń hımııalyq tehnologııasy» mamandaǵy boıynsha bitirdi. 2003 jyly Reseı Federatsııasynyń Úkimeti janyndaǵy Aýyl sharýashylyǵy akademııasyn «Munaı jáne gaz bıznesi» mamandyǵy boıynsha támamdady.

Arman Qaıyrdenov eńbek jolyn Atyraý munaı óńdeý zaýytynda bastap, onda tehnologııalyq qondyrǵy operatorynan zaýyt basshysyna deıin kóterildi.

2006-2008 jyldary «QazMunaıGaz» UK AQ-da Munaı hımııasy departamentiniń bas menedjeri jáne Munaı óńdeý departamenti dırektorynyń orynbasary bolyp jumys istedi.

2008-2012 jyldary - Rompetrol Rafinare S. A. (Rýmynııa) bas dırektorynyń orynbasary, bas dırektory.

2012-2013 jyldary «Atyraý munaı óńdeý zaýyty» JShS bas dırektory bolyp qyzmet etti.

2013-2018 jyldary «Atyraý AEA», The Rompetrol Group Corporate Center S.R.L., «QazMunaıGaz – Óńdeý jáne marketıng» AQ kompanııalarynda jumys istedi.

2019-2021 jyldary «QazMunaıGaz» UK AQ Tehnıkalyq damý departamentiniń dırektory, munaı óńdeý jónindegi basqarýshy dırektory, Munaı óńdeý jáne munaı hımııasy departamentiniń dırektory laýazymdaryn atqardy.

Sondaı-aq , «QazMunaıGaz» UK AQ basqarma tóraǵasynyń munaı tasymaldaý, halyqaralyq jobalar jáne «Saryarqa» gaz qubyrynyń qurylysy jónindegi orynbasary bolyp Bolat Qalaýııauly Zákirov taǵaıyndaldy.

B. Zákirov Qazaq memlekettik basqarý akademııasyn «Halyqaralyq valıýta-qarjy qatynastary» mamandyǵy boıynsha jáne Dandı ýnıversıtetin (Shotlandııa) «Munaı jáne gaz ekonomıkasy» mamandyǵy boıynsha bitirdi.

1999 jyldan 2009 jylǵa deıin «QazTransOıl» AQ-da Strategııalyq josparlaý departamentiniń mamany, Jobalardy basqarý departamentiniń menedjeri, Kólik logıstıkasy departamentiniń bas menedjeri, dırektorynyń orynbasary, dırektory, Perspektıvaly damý departamentiniń dırektory, bas dırektordyń damý jónindegi orynbasary bolyp jumys istedi.

2009-2011 jyldary «QMG-Transkaspıı» JShS bas dırektorynyń orynbasary, bas dırektory boldy.

2012-2016 jyldary «QazTransOıl» AQ bas dırektorynyń keńesshisi, óndiris jónindegi basqarýshy dırektory, bas dırektordyń damý jónindegi orynbasary jáne aktıvter jónindegi basqarýshy dırektory qyzmetterin atqardy.

2016-2018 jyldary - «KMG Systems & Services» JShS bas dırektorynyń keńesshisi.

2018 jyldan beri «QazMunaıGaz» UK AQ munaı tasymaldaý departamentiniń dırektory, munaı tasymaldaý basqarmasynyń basshysy bolyp qyzmet etip keledi.

Osy kúni «QazMunaıGaz» UK AQ basqarma tóraǵasynyń orynbasary bolyp Vasılıı Sergeevıch Lavrenov taǵaıyndaldy. Onyń mindeti – kompanııa qyzmetiniń zań máselelerine jetekshilik etý.

V.Lavrenov 2000 jyly Qazaq memlekettik zań akademııasyn, 2004 jyly Dıýk ýnıversıtetiniń quqyq mektebin (Japonııa) bitirdi.

Eńbek jolyn 1999 jyly «Tıtýl» zań agenttigi» JShS-de zańgerdiń kómekshisi bolyp bastady. Odan keıin «Grata» zań fırmasy» JShS zańgeri bolyp jumys istedi.

2001-2002 jyldary «Qazatomónerkásip» UAK» AQ zań departamentiniń zań keńesshisi boldy.

2002-2005 jyldary - «Grata» zań fırmasy» JShS seriktesi.

2005-2007 jyldary «Bateman Kazakhstan Oil and Gas Company B.V.» kompanııasynyń Qazaqstandaǵy fılıalynyń zań qyzmetiniń bastyǵy, quqyq máseleleri boıynsha bas konsýltanty laýazymdaryn atqardy.

2007-2008 jyldary - «Integra Menedjment» JAQ (Qazaqstan Respýblıkasyndaǵy ókildigi) munaı servıstik kompanııasynyń zań qyzmetiniń dırektory.

2008-2017 jyldary - «Eastcomtrans» kompanııalar tobynyń zań departamentiniń dırektory, bas konsýltanty.

2019-2022 jyldary – Býdapesht qalasyndaǵy Greenline Services Ltd kompanııasynyń aǵa seriktesi, konsýltanty.

Odan bólek, «QazMunaıGaz-Aero» JShS bas dırektory taǵaıyndaldy.

Mamyrdyń 19-y kúni «QazMunaıGaz-Aero» JShS jalǵyz qatysýshysynyń sheshimimen Ildar Tagırovıch Shamsýtdınov kompanııanyń bas dırektory bolyp taǵaıyndaldy.

Buǵan deıin bul qyzmetti Nurjan Nurlanuly Nurlanov atqarǵan edi.

Ildar Shamsýtdınov munaı-gaz salasynyń bilikti mamany. Onyń Qazaqstan Respýblıkasy men Reseı Federatsııasynyń munaı-gaz óndirý kásiporyndarynda, sondaı-aq halyqaralyq treıdıng kompanııalarynda saýda, bıznesti damytý, logıstıkalyq operatsııalar jáne kelisimshattar jasasý baǵyttary boıynsha mol tájirıbesi bar.

I.Shamsýtdınov 2000 jyly Qazaq memlekettik basqarý akademııasyn «Qarjy jáne kredıt» mamandyǵy boıynsha, 2004 jyly Q. Sátbaev atyndaǵy Qazaq ulttyq tehnıkalyq ýnıversıtetin «Munaı jáne gaz ken oryndaryn ıgerý» mamandyǵy boıynsha támamdaǵan. MBA dárejesine ıe (RF Prezıdenti janyndaǵy Reseı aýyl sharýashylyǵy jáne memleket qyzmet akademııasy).

Eńbek jolyn 2000 jyly «CNPC-Aktobemunaigas» AAQ kompanııasynda munaı satý ınjeneri, munaı tasymaldaý mamany bolyp bastady.

2005-2006 jyldary «Qazaqoıl Aqtóbe» JShS munaı satý bóliminiń jetekshi mamany bolyp jumys istedi.

2006-2007 jyldary – «Buzashy Opereıtıng Ltd» kompanııasynda marketıng departamentiniń jetekshi mamany.

2008-2011 jyldary «Nazym munaı-gaz barlaý ekspedıtsııasy» JAQ jáne «Hanty-Mansıısk munaı kompanııasy» JAQ uıymdarynyń Máskeý ókildiginiń basshysy qyzmetin atqardy.

2010-2017 jyldary – «Jaıyqmunaı» JShS logıstıka departamentiniń basshysy.

2017 jyldan bastap Exmor Group DMCC/ Enco Trading DMCC/ Supreme Petroleum Pte Ltd kompanııalar tobynda (Dýbaı jáne Máskeý) logıstıka menedjeri, munaı ónimderin satý menedjeri jáne treıdıng pen bıznesti damytý jetekshisi bolyp qyzmet etti.


Jańalyqtar

MURAǴAT