«QazMunaıGaz» enshiles uıymynyń basshysy para aldy dep aıyptalyp otyr

AQTAÝ. QazAqparat - Mańǵystaýda «KMG EP-Catering» JShS bas dırektory para aldy dep aıyptalyp otyr, dep habarlaıdy QazAqparat Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Uqsas jańalyqtar

Shymkentte №9 emhana bas dárigeri jumysqa turǵyzý úshin qala turǵynynan para alǵan

Jambyl oblysynda departament basshysy alaıaqtyq boıynsha tergelip jatyr Elektr energııasyn ysyrap etkeni úshin «Astana AEK» basshylyǵy sottaldy Agrarlyq nesıe korporatsııasynyń eks-basshysy para alǵany úshin 7 jylǵa sottaldy

«KMG EP-Catering» JShS - Mańǵystaý oblysynyń aýmaǵynda ornalasqan «QazMunaıGaz» UK» AQ enshiles uıymdaryn tamaqtandyratyn «QazMunaıGazdyń» 100% enshiles uıymy.

Mańǵystaý oblysynyń sybaılas jemqorlyqqa qarsy qyzmeti «KMG EP-Catering» JShS bas dırektory men atalǵan seriktestiktiń satyp alý bóliminiń bastyǵyna qatysty «sybaılas jemqorlyq qylmys jasady» degen kúdik boıynsha sotqa deıingi tergeýdi bastady.

Olar azyq-túlik alý jáne jetkizý máselesinde oń sheshim tanytqany jáne aldaǵy jasaıtyn qamqorlyǵy úshin jeke kásipkerden 3 mln teńge kóleminde para aldy degen kúdikke ilinip otyr.

Kúdiktiler men olardyń qorǵaýshylarynyń kinásin moıyndaýyna jáne kelý týraly mindettemesi jazylǵan ótinishtiń kelip túsýine baılanysty protsessýaldyq ustaý sharasy qoldanylǵan joq.

Sotqa deıingi tergeý jalǵasyp jatyr. Kúdiktilerge qatysty túpkilikti sheshimdi sot qabyldaıdy.