QazMunaıGaz aktsııalary AIX jáne KASE alańynda IPO-ǵa shyǵady
2022 jylǵy 28 maýsym 17:44

QazMunaıGaz aktsııalary AIX jáne KASE alańynda IPO-ǵa shyǵady

NUR-SULTAN. QazAqparat – «QazMunaıGaz» ulttyq kompanııasynyń bastapqy aktsııalary AIX jáne KASE alańyna satylymǵa shyǵarylady, dep habarlaıdy QazAqparat tilshisi.

«Bıyl AIX jáne KASE alańynda bizdiń kompanııanyń IPO ótetinin resmı túrde jarııalaımyz. Biz áleýetti ınvestorlar tarapynan qurylym men qyzyǵýshylyqqa qatysty tereń taldaý júrgizdik. Biz qazir naryqty baǵalaý boıynsha jumysty aıaqtap jatyrmyz, damý jaǵynan úlken áleýetti kórip otyrmyz», - dedi «Samuryq-Qazyna» ulttyq ál-aýqat qorynyń basqarma tóraǵasy Almasadam Sátqalıev elordada ótip jatqan «Astana Finance Days» V halyqaralyq konferentsııasynyń paneldik sessııasynda sóılegen sózinde.

Ulttyq ál-aýqat qorynyń basshysy qazaqstandyqtardy munaı-gaz kompanııasynyń aktsııalaryn satyp alýǵa shaqyrdy.

Atalǵan protseste bırjalar, brokerler men «Qazposhtanyń» ınfraqurylymy qoldanylmaq.

Sondaı-aq, A. Sátqalıev Fir Astana kompanııasynyń IPO-ǵa shyǵý jónindegi sheshim týraly habarlady.

Onyń aıtýynsha, atalǵan áýekompanııa barlyq portfeldik kompanııalar arasynda IPO-ǵa barynsha daıyndalǵan.

Biraq álemdegi qazirgi jaǵdaıǵa, onyń ishinde Eýrazııanyń eýropalyq bóligindegi qaqtyǵysqa baılanysty, bıyl IPO-ǵa shyqpaý jáne kelesi ınvestıtsııalyq múmkindikti kútý týraly sheshim qabyldandy.

«Bul rette biz kompanııanyń kapıtalyna belgili bir sharttardy usyna alatyn áleýetti, strategııalyq ınvestorlarmen belsendi jumysty bastap kettik», - dep túsindirdi «Samuryq-Qazyna» basshysy.

Odan bólek, ulttyq qor basshysy «QazaqAir» áýekompanııasynyń qamtý kólemine qaraı ІRO-ǵa shyǵý ıdeıasynan bas tartatynyn aıtty.

Aıtýynsha, qazir jekeshelendirý protsesi júrip jatyr. ıAǵnı naryqtyń negizgi oıynshylarymen júrgizilgen kelissózderdiń qorytyndysy boıynsha birneshe jetekshi, álemdik áýekompanııamen qupııalylyq týraly kelisimderge qol qoıyldy.

Sonymen qatar A. Sátqalıev «QazaqGaz» ulttyq kompanııasynyń IPO-ǵa shyǵý múmkindigin sóz etti.

«Bul másele Qazaqstandy gazben jabdyqtaý jáne eksporttyq naryqty damytý jónindegi jalpyulttyq josparǵa engen resýrstyq bazany keńeıtýden, iri ınfraqurylymdyq jobalardy iske asyrýdan keıin qaralady. Salany retteýge qatysty Úkimetpen birlesip aýqymdy jumys atqarý kerek. Atap aıtqanda, ishki naryq baǵasyn belgileý men naryqqa qatysýshylar arasyndaǵy ózara qarym-qatynas, Eýrazııa keńistiginde biryńǵaı naryq qurý perspektıvalary. Osy jumystyń qorytyndysy boıynsha atalǵan kompanııa IPO-ǵa shyǵady dep kútemiz. Bul - bizdiń josparymyz», - deıdi spıker.

Jıynda budan bólek «Samuryq-Energo» kompanııasyn ekige bólý jaıy sóz boldy.

Biri jańartylǵan energııa kózderi, taratý jelileri jáne elektr energııasyn bólshek saýdada satýmen aınalysady. Al ekinshisi kómir aktıvterine baılanysty bolmaq.

Sonyń ishinde alǵashqy áleýet IPO-ǵa usynylady.

Eske sala ketsek, Memleket basshysy «Astana» halyqaralyq qarjy ortalyǵyn basqarý jónindegi keńes otyrysynda qarapaıym qazaqstandyqtardyń ulttyq kompanııa aktsııalaryn ıelený múmkindigi bolýy kerektigin basa aıtqan edi.


Seriktester jańalyqtary

Jańalyqtar

Úrdis

MURAǴAT