+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazirgi jaǵdaıda tek shynaıy aqparat adastyrmaıdy – Myrzahmet Temirbekov

2020 jylǵy 3 shilde 22:35
Bólisińiz:
Qazirgi jaǵdaıda tek shynaıy aqparat adastyrmaıdy  – Myrzahmet Temirbekov

TÚRKІSTAN. QazAqparat – Túrkistan oblysy, Otyrar aýdanynyń qurmetti azamaty Myrzahmet Temirbekov elimizdegi naýqastar sanynyń kúrt kóbeıip ketekenine alańdap otyrǵanyn aıtady. El aǵasy sońǵy kezde ǵalamtor betteri men áleýmettik jeliler qaraly habar men kóńil aıtýǵa tolyp ketkenin alǵa tartyp, kópshilikti karantın tártibin saqtaýǵa shaqyrdy, dep habarlaıdy QazAqparat tilshisi.

«Qazirgi ýaqytta bizdiń elimiz ǵana emes, kóptegen alys-jaqyn kórshi memleketter de qıyn qystaý kezeńde ómir súrip jatyr. Oǵan sebep, aldymen, koronavırýs ınfektsııasynyń taralýy jáne kóptegen adamdardyń aýrý qaýpin kózge ilmeı, karantın talaptaryn durys saqtamaýy dep oılaımyn. Odan bólek, «jyǵylǵan ústine – judyryq» degendeı, búginde óńirimizde tumaý juqtyrǵandardyń sany kúnnen-kúnge artyp, ólim-jitim shamadan tys kóbeıip ketti. Ǵalamtor beteri men áleýmettik jelilerdi asha qalsańyz, birinen soń biri jetip jatqan qaraly habar, kóńil aıtý... «Aýrý adam tańdamaıdy» degen sózdiń mánin tereń túsinip jatyrmyz. Nebir atpaldaı azamattar ómirden ozýda. Álbette, munyń barlyǵy kimniń bolmasyn qabyrǵasyn qaıystyryp, kóńilin qulazytady»,- deıdi el aǵasy.

Myrzahmet Temirbekov bul rette jurtshylyqty memleket tarapynan qabyldanyp jatqan barlyq sharalardy durysynan túsinip, jaǵdaıdyń kúrdeliligine baılanysty sozylyp jatqan karantın rejıminiń talaptaryn qatań saqtaýǵa shaqyrdy. Tek shynaıy aqparat kózderine sený kerektigin atap ótti.

«Áleýmettik jeliler men messendjerlerde tarap jatqan jalǵan aqparattarǵa senbegenimiz abzal. «Ótiriktiń arty bir-aq tutam» - deıdi. Ol sózdiń jany bar ekenin kórineý aqparat taratyp, el arasynda baıbalam týýyna sebepker bolyp, artynan tıisti jazasyn alyp jatqan jerlesterimizdiń jaǵdaıynan anyq ańǵarýǵa bolady. Qurmetti, qazaq eli, barynsha sabyrly bolyp, ár isimizdi saýatty túrde jasaıyq. Ózimizben qatar ózgeniń ómirine de qııanat jasap almaıyq. Ár adam ózinen bastaýy jáne tártipke baǵynyp, birligi bar jurttyń tirligin jasaýy qajet. Sonda ǵana kez kelgen qamaldy buzyp óter kúshke ıe bolamyz! Basty baılyq – densaýlyqtan qol úzip qalmaıyq»,- deıdi Otyrar aýdanynyń qurmetti azamaty.

Eske salaıyq, Qazaqstanda koronavırýsqa qatysty epıdemıologııalyq ahýaldyń órshýine baılanysty bıylǵy 5 shildeden bastap 14 kúnge qatań shekteý sharalary engiziledi.
Bizdiń kanalymyzǵa jazylyńyz:

Bólisińiz:

Avtor:

Aınur Aqbaeva

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Úmbet Sholpan
Úmbet Sholpan
954-059

MURAǴAT