+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

Qazirgi zaman qaharmany: Qyzdy qutqaryp kóz jumǵan polıtseıdiń anasy marapattaldy

2019 jylǵy 15 qarasha 20:12
Bólisińiz:
Qazirgi zaman qaharmany: Qyzdy qutqaryp kóz jumǵan polıtseıdiń anasy marapattaldy

AQTÓBE. QazAqparat – Aqtóbede «Qazirgi zaman qaharmany» respýblıkalyq aktsııasy aıaqtaldy. Búgin 15 polıtsııa qyzmetkeri erligi úshin marapattaldy, dep habarlaıdy QazAqparat tilshisi.

Aqtóbege Nur - Sultan, Almaty, Shymkent qalalary men Atyraý, Aqmola, Pavlodar, Túrkistan , Soltústik Qazaqstan oblystarynan polıtsııa qyzmetkerleri shaqyryldy. Olar óz ómirin qaýip-qaterge tigip, azamattardy ajaldan aman alyp qalǵan búgingi kúnniń batyrlary. Barlyǵ 15 qyzmetker oblys ákimi Ońdasyn Orazalın men QR ІІM Kadr saıasaty departamenti bastyǵynyń orynbasary Baqytjan Beıseevtiń Іshki ister mınıstri atynan alǵys hat tapsyryldy.


«Erlik esh ýaqytta umtylmaıdy. Búgingi aktsııanyń maqsaty erlik pen batyrlyqty nasıhattaý. Óskeleń jas urpaqqa otansúıgishtik sezim men patrıottyq rýhty berý. Damý – turaqtylyq pen tynyshtyq kezinde ǵana bolady. Qoǵamdaǵy úılesimdiliktiń mańyzy zor. Mártebeli is jasap júrgen polıtsııanyń qyzmeti qaýip pen qaterge toly ekeni jasyryn emes. Qoǵamnyń tynyshtyǵy jolynda ózderin qurban etken batyrlarymyz az emes», - dep atap ótti oblys basshysy Ońdasyn Orazalın.

Aktsııa kezinde Mańǵystaý oblysynda óz-ózine qol jumsamaq bolǵan qyzdy qutqarmaq bolǵan polıtsııa qyzmetkerleri Shalqar Aqymǵalıevtiń anasy da marapattaldy.

Eske sala ketsek, Atyraýda polıtsııa sýǵa batqan áıeldi qutqaram dep mert bolǵan edi.

«Balamnyń armany polıtsııa qyzmetkeri bolý edi. Ol sol salada bilim alyp, antyna berik boldy. Adam ómirin qutqaramyn dep óz ómirin qıdy. Balam qazir arasyzda joq. Ulym joq bolsa da «batyr ana» dep shaqyrǵandaryńyzǵa alǵys aıtamyn. Batyr uldarymyz kóbeıe bersin», - dedi anasy Lázzat Májenqyzy.


Qazaqstan polıtsııasynyń tarıhynda eldegi beıbitshilik pen tynyshtyq úshin ómirin qıǵan áriptesterimizdiń erlik úlgileri az emes. Elimiz táýelsizdik alǵannan beri qyzmet babynda 790 quqyq qorǵaý salasynyń qyzmetkeri erlikpen qaza tapsa, sonyń toǵyzy Aqtóbe oblysynan.

«Qazirgi jaǵdaıda memleket pen qoǵam polıtsııa qyzmetkerlerine jańa talaptar qoıady. Bul rette basty nazar aýdaratyn nárse halyqtyń ishki ister organdaryna degen senimi bolyp tabylady. Osyny eskere otyryp, biz ýaqyt talaptaryna jaýap beretin qazaqstandyq polıtsııa qyzmetkeriniń jańa kelbetin qalyptastyrý boıynsha jumysty túbegeıli qaıta qurýǵa nıettimiz», - dedi polıtsııa polkovnıgi Baqytjan Beıseev.




Bizdiń kanalymyzǵa jazylyńyz:

Basty sózder: Aqtóbe oblysy, Qoǵam,
Bólisińiz:

Avtor:

Altynaı Saǵyndyqova

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT