+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

Qazirgi sátte halqymyzdyń sanaly áreketi men jaýapkershiligi asa mańyzdy - Edil Mamytbekov

2020 jylǵy 9 shilde 17:36
Bólisińiz:
Qazirgi sátte halqymyzdyń sanaly áreketi men jaýapkershiligi asa mańyzdy - Edil Mamytbekov

NUR-SULTAN. QazAqparat - Qazirgi sátte halqymyzdyń sanaly áreketi men jaýapkershiligi asa mańyzdy. QR Parlamenti Senatynyń depýtaty Edil Mamytbekov aıtty, dep habarlaıdy QazAqparat tilshisi.

«Jahandy jaılaǵan pandemııa indetine qarsy kúsh - memleket pen halyqtyń arasynda ózara qoldaý, túsinistik, senim bolǵan kezde qalyptasatyny sózsiz. Qazirgi jaǵdaı qansha qıyn bolǵanyna qaramastan, memleketimiz indetti jeńýge jumylýda. Dárigerlerimiz janqııarlyq erlik kórsetýde. Osy rette halqymyzdyń sanaly áreketi men jaýapkershiligi asa mańyzdy. Prezıdent osyny basa aıtty, elge demeý bolatyn sózin jetkizdi. Memleket basshysy «bireýge jan qaıǵy...» bolyp jatqan tusta dári-dármektiń baǵasyn kóterip, alaıaqtyqpen paıda kóksegenderdiń jolyn kesý sharalaryn, ay da bolsa, densaýlyq saqtaý júıesindegi kemshin tustarǵa jol berilgendigin búkpesiz sóz etti», - dedi ol.

Senator endi osy eskertpeden nátıje shyǵarý asa mańyzdy ekendigin de basa aıtady.

«Memleket basshysynyń ár otandasynyń dertten qaza bolýyna qabyrǵasy qaıysyp, Ulttyq aza tutý kúnin belgileýi de el basyna túsken aýyr synaqta kópshilikti sabyrǵa shaqyrady. «Bul – óte qaýipti, batpandap kirip, mysqaldap shyǵatyn dert» ekenin eskertip, birlik pen bilimge júginýdi usynady», dedi Edil Mamytbekov.

Onyń atap ótýinshe, qazirgi tańda indetke qatysty jalǵan aqparat pen qaýeset kóbeıip ketti. Prezıdenttiń osy jaǵdaıdan saqtandyryp, karantın erejelerin qatań saqtaýǵa úndeýi qazirgi tańdaǵy birden-bir tıimdi áreket bolyp sanalady.

«Halqymyz «saqtyqta – qorlyq joq» degen danalyqty osyndaı qıyn kezeńderge baılanysty aıtsa kerek. Hakim Abaı «...aýrýdy jaratqan qudaı, aýyrtqan qudaı emes dep nanyp, uqsań bolar», deıdi jıyrma segizinshi qara sózinde. Sondyqtan «aýyryp em izdegenshe, aýyrmaýdyń jolyn izdeıik» degim keledi. Der kezinde halqynyń jigerin janyǵan úndeýdiń taǵy bir kóńilden shyǵar tusy – Memleket basshysynyń jaǵdaıdyń sózsiz turaqtalatynyna senim bildirýi. Eńsemizdi túsirmeı, «birinshi baılyǵymyz – densaýlyǵymyz» jolynda jáne ár azamattyń amandyǵy úshin aıanbaı kúresýge mindettimiz. Úndeýdiń basty maqsaty, dittegen oıy - osy»,- dedi senator.

Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT