+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Qazirgi Qazaqstandy Keńes odaǵy ydyraǵan kezdegi jaǵdaımen salystyrýǵa bolmaıdy – Elbasy

2020 jylǵy 8 sáýir 09:08
Bólisińiz:
Qazirgi Qazaqstandy Keńes odaǵy ydyraǵan kezdegi jaǵdaımen salystyrýǵa bolmaıdy – Elbasy

NUR-SULTAN. QazAqparat – Qazirgi Qazaqstandy Keńes odaǵy ydyraǵan ótken ǵasyrdyń 90-jyldaryndaǵy Qazaqstanmen salystyrýǵa bolmaıdy. Bizde osyndaı qıyndyq týǵanda eshkimge alaqan jaımaý úshin, urpaq qamy, el bolashaǵy úshin jınaqtalǵan Ulttyq qor men altyn-valıýta qorynda 90 mıllıard AQSh dollary bar. QR Tuńǵysh Prezıdenti – Elbasy Nursultan Nazarbaev «Birlese bilgen el bárin jeńedi» atty maqalasynda osylaı dep málim etti, dep habarlaıdy QazAqparat.

Elbasy qazaqstandyqtarǵa úndeýinde elimizdi Keńes odaǵy ydyraǵan ótken ǵasyrdyń 90-jyldaryndaǵy Qazaqstanmen salystyrýǵa bolmaıtynyn, el bolashaǵy úshin jınaqtalǵan Ulttyq qor men altyn-valıýta qorynda 90 mıllıard AQSh dollary bar ekendigin atap ótti.

«Retimen, únemdi paıdalanar bolsaq, ol búgin basymyzǵa túsken taǵdyr men tarıh synynan eńsemizdi tik ustap ótýimizge mol múmkindik beredi.

El Prezıdenti Qasym-Jomart Kemeluly Toqaev halyqqa arnaǵan taıaýdaǵy úndeýinde barlyq áleýmettik toptarǵa, kásipkerlerge, aýyl sharýashylyǵy salasyna kórsetiletin alýan túrli kómek týraly jan-jaqty maǵlumat berdi. Eger Qazaqstannyń ulttyq ekonomıkadaǵy qol jetkizgen tabystary men joǵaryda atalǵan qor qurylmasa, munyń biri de bolmas edi. Kezinde sonyń bárin taratyp bereıik degender de bolǵan, biraq ómir biz qabyldaǵan sheshimniń durys bolǵanyn kórsetti», - dedi Nursultan Nazarbaev.

Elbasy Úkimet pen jergilikti atqarýshy organdardyń ýaqytsha qıyndyqtan shyǵýǵa barlyq kúsh-qýatty jumyldyrýy qajettigin atap ótti.

«Endi Úkimet pen jergilikti atqarýshy organdary sony únemdi túrde, ret-retimen oryndaýǵa kirisýi kerek. Ár mınıstr, árbir oblys, qala jáne aýdan basshylary júıemen, tártippen, úılesimmen, naqty josparmen, nyq senimmen áreket etip, ýaqytsha qıyndyqtan shyǵýǵa barlyq kúsh-qýatty jumyldyrýy qajet. Nur Otan partııasynyń músheleri de osy bir saýapty istiń aldyńǵy qatarynan tabylýy tıis», - dedi Elbasy.


Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Janat Qapalbaeva
Janat Qapalbaeva
954-059

MURAǴAT