Qajet bolsa aýyl sharýashylyǵy ónimderin syrtqa satýǵa shekteý qoıý kerek – Premer-Mınıstr
2022 jylǵy 18 qańtar 10:51

Qajet bolsa aýyl sharýashylyǵy ónimderin syrtqa satýǵa shekteý qoıý kerek – Premer-Mınıstr

NUR-SULTAN. QazAqparat – Qajet bolsa aýyl sharýashylyǵy ónimderin syrtqa satýǵa shekteý qoıý kerek. Bul týraly QR Premer-Mınıstri Álıhan Smaıylov aıtty, dep habarlaıdy QazAqparat tilshisi.

«Aýyl sharýashylyǵy mınıstrligine aýyl sharýashylyǵy ónimderin óndirý men tutyný kólemin eseptep, qajet bolǵan jaǵdaıda syrtqa satý boıynsha shekteý qoıýdy tapsyramyn. Birinshi kezekte ishki naryqty qamtamasyz etýimiz kerek», - dedi Premer-Mınıstr.

Sonymen qatar ol munaı ónimderin jetkizý tizbegin qysqartyp, baǵa belgileý praktıkasyn taldaý qajettigin basa aıtty.

«Energetıka mınıstrligine bir aı ishinde munaı ónimderin óndirý jáne satý qurylymyn reformalaý boıynsha zańnamalyq túzetýler daıyndaýdy tapsyramyn», - dedi Álıhan Smaıylov.


Jańalyqtar

MURAǴAT