Qazgıdromet tolassyz jaýyp turǵan qardyń qashan toqtaıynyna boljam jasady
2021 jylǵy 25 qarasha 11:28

Qazgıdromet tolassyz jaýyp turǵan qardyń qashan toqtaıynyna boljam jasady

NUR-SULTAN. QazAqparat - Elordada táýlik ishinde jaýyn-shashynnyń bir aılyq normasy tústi. Bul týraly QazAqparat Qazgıdrometke silteme jasap habarlaıdy.

«Elordada qarashanyń 24 bastap jaýǵan qar tolassyz áli jaýyp tur. Osy aralyqta 25 mm jaýyn-shashyn tústi. Qardyń bıiktigi 28 sm qurady. Jalpy elordada qarasha aıynda jaýyn-shashyn normasy — 28 mm mólsherin qamtydy. Solaısha, bir kúnde elimizdiń bas qalasyna aılyq jaýyn-shashyn tústi — qardyń jaýýy, áli de jalǵasatyn bolady. Gıdrometortalyqtyń boljamy boıynsha jaýyn-shashyn saǵat 16.00-de toqtaıdy», - delingen habarlamada.

Jalpy, 1- 25 qarasha aralyǵynda elordaǵa 45.1 mm jaýyn-shashyn tústi. Bul normanyń eki ese asyp ketýin kórsetedi

Eske salsaq, elordada qalyń qar jaýýyna baılanysty avtobýstar ýaqytynan keshigip, qala kóshelerinde kólik keptelisi baıqaldy.

Sondaı-aq búgin Astanada ekinshi aýysymdaǵy 0-7 synyptar mektepke barmaıdy.



Uqsas jańalyqtar
Seriktester jańalyqtary

Jańalyqtar

Úrdis

MURAǴAT