«Qazgıdromet» qańtardyń 21-i kúngi kún raıy boljamyn jarııalady
2022 jylǵy 21 qańtar 06:00

«Qazgıdromet» qańtardyń 21-i kúngi kún raıy boljamyn jarııalady

NUR-SULTAN. QazAqparat – «Qazgıdromet» RMK-sy qańtardyń 21-i kúngi kún raıy boljamyn jarııalady, dep habarlaıdy QazAqparat.

QR terrıtorııasynyń basym bóligine antıtsıklon jotasy áser etedi. Sonyń saldarynan kún jaýyn-shashynsyz bolady.

Tek elimizdiń batysy men ońtústiginde atmosferalyq frontaldy bólikterdiń áserinen kóbinese qar, jańbyr jaýady, jel kúsheıip, jaıaý burqasyn soǵady, kóktaıǵaq bolady. Respýblıka boıynsha keı jerlerde tuman túsedi.

Jambyl oblysynyń soltústigi, taýly jáne taý bókterli aýdandarynda tuman túsip, ońtústik-batysy men soltústik-shyǵysynda jeldiń jyldamdyǵy sekýndyna 15-20 metrge jetedi.

Qyzylorda oblysynyń ortalyǵynda tańerteń jáne kúndiz jel 15-20 m/s jyldamdyqpen soǵady.

Túrkistan oblysynyń ońtústigi, batysy, taýly jáne taý bókterli aýdandarynda tuman túsip, soltústigi men taýly aýdandarynda jel soǵyp, jyldamdyǵy sekýndyna 15-20 metrge deıin jetedi.

Túnde Almaty oblysynyń soltústigi men taýly aýdandarynda tuman túsip, kóktaıǵaq bolady.

Mańǵystaý oblysynyń soltústigi men ortalyǵynda kóktaıǵaq bolyp, soltústik-shyǵysynda tuman túsedi.

Aqmola oblysynyń ońtústigi men shyǵysynda, Batys Qazaqstan, Atyraý, Pavlodar oblystarynyń batysy men soltústiginde, Qostanaı oblysynyń soltústigi men shyǵysynda, Soltústik Qazaqstan oblysynyń ońtústiginde, Shyǵys Qazaqstan oblysynyń soltústiginde tuman túsedi.


Jańalyqtar

MURAǴAT