«Qazfosfat» JShS-ine qatysty monopolııaǵa qarsy tergeý júrgizilip jatyr
2022 jylǵy 5 sáýir 11:52

«Qazfosfat» JShS-ine qatysty monopolııaǵa qarsy tergeý júrgizilip jatyr

NUR-SULTAN. QazAqparat - Aýyl sharýashylyǵy óndirýshilerinen jáne Jambyl oblysy ákimdiginen ammofos baǵasyn kóterý týraly shaǵymynyń negizinde Básekelestikti qorǵaý jáne damytý agenttigi «Qazfosfat» JShS qatysty monopolııaǵa qarsy tergep-tekserý júrgizýde, dep habarlaıdy QR Básekelestikti qorǵaý jáne damytý agenttiginiń baspasóz qyzmeti.

Ammofosty bastapqy satý naryǵyndaǵy básekelestik jaǵdaıyn taldaý «Qazfosfat» JShS ústem jaǵdaıǵa ıe ekenin kórsetti.

2021 jylǵy qarashada ammofos baǵasy 125 000 teńgeden 168 750 teńgege deıin ósti. Jyl basymen salystyrǵanda ósim 35% - dy qurady. Bul rette 2022 jylǵy qańtarda baǵa 185 625 teńgeni qurady. 2021 jylǵy qańtarǵa qatynasy boıynsha baǵanyń ósýi 48,5% - dy qurady.

Sonymen birge, taýardy óndirý jáne satý úshin qajetti shyǵystardyń ózgerýi taýardy satý baǵasynyń ózgerýine sáıkes kelmeıdi.

Tergep-tekserý barysynda «Qazfosfat» JShS ústem jaǵdaıdy teris paıdalana otyryp, ammofosty monopolııalyq joǵary baǵa boıynsha satqany anyqtaldy, bul óz kezeginde túpkilikti ónimniń baǵasyna, sondaı-aq jalpy satyp alý qabiletine áser etedi.

Qazirgi ýaqytta Kásipkerlik kodeksiniń 224-baby negizinde tergep-tekserý nátıjeleri boıynsha qorytyndy jobasy «Qazfosfat» JShS-ne jiberildi. Zańdyq jaýapkershilik týraly másele tergep-tekserý qorytyndylary shyǵarylǵannan keıin sheshiletin bolady.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT