+7 (701) 759 90 19
USD 431.03 EUR 471.76
RUB 5.85 CNY 61.32
Jańalyqtar

«Qazatomónerkásip» kompanııasy Dırektorlar keńesiniń quramy ózgerdi

2019 jylǵy 7 jeltoqsan 02:41
Bólisińiz:
«Qazatomónerkásip» kompanııasy Dırektorlar keńesiniń quramy ózgerdi

NUR-SULTAN. QazAqparat – «Qazatomónerkásip» ulttyq atom kompanııasy Dırektorlar keńesiniń tóraǵasy bolǵan Djon Dýdas qyzmetinen ketedi, dep habarlaıdy QazAqparat kompanııa saıtyna silteme jasap.

Djon Dýdas 2015 jyldan bastap táýelsiz múshe, al 2018 jylǵy tamyzdan bastap kompanııanyń Dırektorlar keńesiniń tóraǵasy bolǵan.

«Dýdas myrzaǵa Qazatomónerkásiptiń majorıtarlyq aktsıoneri – «Samuryq-Qazyna» ulttyq ál-aýqat qory Dırektorlar keńesinen qyzmet usynyldy. Bul usynysty qabyldaýyna baılanysty ol 2019 jyldyń 6 jeltoqsanynan bastap Qazatomónerkásiptiń Dırektorlar keńesinen ketedi», delingen habarlamada.

«Samuryq-Qazyna» ulttyq ál-aýqat qory saıtynyń málimetinshe, qordyń jalǵyz aktsıoneriniń sheshimimen Djon Dýdas «Samuryq-Qazyna» UÁQ» AQ Dırektorlar keńesiniń múshesi, táýelsiz dırektor bolyp saılandy.

Dırektorlar keńesi Nıl Longfelloý myrzany dırektorlar keńesiniń ýaqytsha tóraǵasy etip saılaý týraly biraýyzdan sheshim qabyldady.

Qazirgi ýaqytta Keńestiń qosymsha táýelsiz, atqarýshy emes múshelerin anyqtaý boıynsha halyqaralyq protsesi júrgizilýde. Dırektorlar keńesi 2020 jylǵy mamyrda kompanııa aktsıonerleriniń jyldyq jalpy jınalysynda iriktelgen kandıdattardan Dırektorlar keńesiniń qosymsha múshelerin usynady.

Aıtat keterligi, Longfelloý myrza Birikken Koroldiktiń azamaty, 2017 jyly ol táýelsiz múshe retinde kompanııa keńesiniń quramyna kirdi. ıAdrolyq ınstıtýttyń múshesi men dıplomdy ınjeneri bola otyryp, ol keńestiń tóraǵasy laýazymynda ıadrolyq energetıka salasyndaǵy zor tájirıbe jáne bilimimen bólisedi. Onyń tájirıbesi buryn Westinghouse Electric kompanııasyna qarasty British Nuclear Fuels Limited, Springfields Fuels Limited-tiń Sellafıldegi óńdeý zaýytynda, sondaı-aq Costain PLC-degi ıadrolyq jáne munaı-gaz salalarynda atqarǵan túrli pozıtsııalardy qamtıdy. Qazirgi ýaqytta Longfelloý myrza Qazatomónerkásip keńesiniń táýelsiz músheleriniń árqaısysy sııaqty Dırektorlar keńesiniń barlyq komıtetteriniń quramyna kiredi jáne óndiris qaýipsizdigi komıtetiniń (HSE) tóraǵasy.

Qazatomónerkásip – álemdegi eń iri ýran óndirýshi kompanııa. 2018 jyly Kompanııanyń qatysý úlesi negizinde tabıǵı ýran óndirisi álemdegi jıyntyq ýran óndirisiniń shamamen 23% qurady.

Bizdiń kanalymyzǵa jazylyńyz:

Bólisińiz:
Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT