Qazalyda mal urlaǵan áıelder qolǵa tústi

QAZALY. QazAqparat - Qyzylorda oblysy Qazaly aýdanynda polıtsııa qyzmetkerleri turaqty túrde mal urlyǵymen aınalysyp kelgen 4 turǵyndy qolǵa túsirdi. Olardyń ekeýi áıel, dep habarlaıdy QazAqparat tilshisi.

Uqsas jańalyqtar

Pavlodar oblysynda barymtashylar ustaldy

Aqtóbede bir otar qoı urlap, soıyp alǵan top ustaldy Almaty oblysynyń aýmaǵynda mal jáne et ónimderin tasymaldaýǵa baqylaý kúsheıtildi Qyzylordada jylqy urlaǵan adamdar qolǵa tústi

Qyzylordalyq polıtseıler Qazaly aýdany mańyndaǵy mal jaıylymynan jylqy urlap, sol jerde soıyp jatqan jerinen Tóretam kentiniń 4 turǵynyn ustady.

«Olar jaıylymda júrgen maldy urlaǵan. Kúdiktiler buǵan deıin de mal urlyǵymen aınalysyp kelgen. Tergeý barysynda olardyń osy tektes 5 mal urlyǵy deregine qatysy bar ekendigi anyqtaldy.

Oqıǵa ornynda ustalǵandardyń 2-ýi áıel adam. Kúdiktiler óz áreketterin tolyǵymen moıyndady. Oqıǵa ornynda aıǵaq zattar alyndy. Atalǵan derek boıynsha QR Qylmystyq kodeksiniń 188-babynyń 3-bóligimen sotqa deıingi tergep-tekserý amaldary júrgizilýde. Ustalǵandarǵa qamaqqa alý túrindegi bultartpaý sharasy qoldanyldy»,- dep habarlaıdy Qyzylorda oblystyq polıtsııa departamentiniń baspasóz qyzmeti.

Buǵan deıin Baıqońyrda polıtsııa qyzmetkerine kúsh qoldanǵan azamat sottalǵanyn habarlaǵan bolatynbyz.